وزبەكستاندا زاڭسىز بايلىققا كەنەلگەندەرگە جازا ەنگىزۋ ۇسىنىلدى
تاشكەنت. KAZINFORM - وزبەكستان پرەزيدەنتى شاۆكات ميرزيەۆ «مەملەكەتتىك قىزمەتشىلەردىڭ كىرىسىن دەكلاراتسيالاۋ تۋرالى» زاڭدى تەز ارادا قابىلداۋدى تاپسىردى، دەپ حابارلايدى Kazinform اگەنتتىگىنىڭ مەنشىكتى ءتىلشىسى.
سىبايلاس جەمقورلىققا قارسى ۇلتتىق كەڭەستىڭ كەڭەيتىلگەن وتىرىسىندا ءسوز سويلەگەن وزبەكستان باسشىسى شەنەۋلىكتەردىڭ كىرىسىن دەكلاراتسيالاۋ زاڭىن قابىلداۋدىڭ ۋاقىتى كەلگەنىن ايتتى.
وسىعان بايلانىستى شاۆكات ميرزيەۆ جاۋاپتى ۆەدومستۆولارعا قىسقا مەرزىمدە زاڭ جوباسىن قوعامدىق تالقىلاۋعا شىعارۋدى تاپسىردى. قۇجات دەپۋتاتتاردىڭ قاراۋىنا 1- ساۋىرگە دەيىن ەنگىزىلۋى كەرەك.
- زاڭسىز بايلىققا كەنەلگەندەردى جاۋاپقا تارتۋ ماسەلەسىن قاراستىرۋ قاجەت. وسى ورايدا، زاڭناماعا ءتيىستى باپ ەنگىزۋدى ۇسىنامىن. ياعني، مەملەكەتتىك قىزمەتشى ءوزىنىڭ دەكلاراتسيالانعان كىرىسىنە ساي كەلمەيتىن مۇلىكتىڭ قايدان الىنعانىن دالەلدەۋى ءتيىس، - دەپ اتاپ ءوتتى وزبەكستان پرەزيدەنتى.
توقتالا كەتەيىك، مەملەكەتتىك قىزمەتشىلەردىڭ كىرىسىن دەكلاراتسيالاۋ تۋرالى زاڭدى قابىلداۋ 2022 -جىلدان باستاپ جوسپارلانىپ كەلەدى.
ەسكە سالساق، اتالعان كەڭەس بارىسىندا وزبەكستان پرەزيدەنتى جەمقورلىقپەن كۇرەسكە جاۋاپتى 117 شەنەۋلىكتى قىزمەتىنەن بوساتۋدى تاپسىردى.
اۆتور
ءاليحان اسقار
