وزبەكستاندا ەلەكتروندى تەمەكىگە تىيىم سالىنۋى مۇمكىن
تاشكەنت. KAZIFORM - وزبەكستان زاڭ شىعارۋ پالاتاسىنىڭ (پارلامەنتتىڭ تومەنگى پالاتاسى) دەپۋتاتتارى ءبىرىنشى وقىلىمدا ەلەكتروندى تەمەكىگە تولىق تىيىم سالۋ تۋرالى زاڭ جوباسىن قابىلدادى، دەپ حابارلايدى Kazinform اگەنتتىگىنىڭ مەنشىكتى ءتىلشىسى.
زاڭمەن قۇرامىندا نيكوتينى بار ەلەكتروندى تەمەكى مەن سۇيىقتىقتاردىڭ اينالىمىنا تىيىم سالۋ كوزدەلگەن.
- ساراپشىلاردىڭ پىكىرىنشە، ەلەكتروندى تەمەكىدە نيكوتيننەن وزگە ادام دەنساۋلىعى مەن قورشاعان ورتاعا زالال كەلتىرەتىن 80 ءتۇرلى ۋلى حيميالىق ەلەمەنتتەر مەن اۋىر مەتالدار بار. اتاپ ايتقاندا، نيكوتينگە تاۋەلدىلىك ارتىپ، بالالار مەن جاسوسپىرىمدەردىڭ ويلاۋ قابىلەتى ناشارلايدى. سوندىقتان اتالعان قۇجاتتى قابىلداۋ حالىق اراسىندا سالاۋاتتى ءومىر سالتىن قالىپتاستىرۋعا ىقپال ەتپەك، - دەلىنگەن زاڭ شىعارۋ پالاتاسى تاراتقان حابارلامادا.
ەسكە سالايىق، بىلتىر 20 -ماۋسىمدا قازاقستاندا ۆەيپتەرگە تىيىم سالۋ تۋرالى زاڭ كۇشىنە ەندى. كەيىن «اتامەكەن» ۇ ك پ وكىلدەرى ەلىمىزدە ۆەيپ پەن كاليانعا شەكتەۋ قويۋ كولەڭكەلى نارىقتاعى سۇرانىستىڭ ارتۋىنا سەبەپ بولعانىن مالىمدەدى.
ءاليحان اسقار
اۆتور
