وزبەكستاندا كولەڭكەلى ەكونوميكانىڭ ج ءى و- دەگى ۇلەسى 45 پايىزعا دەيىن جەتەدى

وزبەكستانداعى كولەڭكەلى ەكونوميكانىڭ كولەمى جالپى ىشكى ءونىمنىڭ 25-تەن 45 پايىزىنا دەيىنگى ارالىقتا. بۇل تۋرالى وزبەكستان ولي ءماجىلىسى سەناتىنىڭ وتىرىسىندا ەكونوميكا جانە قارجى ءمينيسترى دجامشيد كۋچكاروۆ ءمالىم ەتتى، دەپ حابارلايدى Kazinform اگەنتتىگىنىڭ مەنشىكتى ءتىلشىسى.

مينيستر دەپۋتاتتارعا وزبەكستانداعى كولەڭكەلى ەكونوميكانىڭ اۋقىمى جانە وعان قارسى كۇرەس بويىنشا قابىلدانىپ جاتقان شارالار جايىندا باياندادى.

«ءبىز كولەڭكەلى ەكونوميكامەن قارقىندى كۇرەسۋىمىز كەرەك. ءتۇرلى باعالاۋعا ساي، ونىڭ ۇلەسى ج ءى و- ءنىڭ 25-تەن 45 پايىزىنا دەيىنگى ارالىقتا. بۇل جوعارى كورسەتكىش»، - دەدى دجامشيد كۋچكاروۆ.

ونىڭ ايتۋىنشا، بەيرەسمي ەكونوميكانىڭ ەڭ جوعارى ۇلەسى قۇرىلىس، ساۋدا جانە قىزمەت كورسەتۋ سالالارىندا بايقالادى.

دجامشيد كۋچكاروۆ كولەڭكەلى ەكونوميكانىڭ اۋقىمىن تومەندەتۋ ءۇشىن مينيسترلىك پرەزيدەنت اكىمشىلىگىمەن بىرلەسىپ پرەزيدەنت قاۋلىسىنىڭ جوباسىن ازىرلەگەنىن اتاپ ءوتتى. ول قۇجات قازىر سوڭعى كەلىسۋ ساتىسىندا تۇر.

«وندا بىرنەشە باعىت بويىنشا شارالار قامتىلعان. ياعني، قولما- قول اقشا اينالىمىن قىسقارتۋ، ءبىراق مۇنى تىكەلەي ماعىنادا قابىلداماۋ كەرەك. بۇل كەيبىر تاۋارلار نەمەسە قىزمەتتەردى تەك بانك كارتالارى ارقىلى تولەۋگە قاتىستى»، - دەدى مينيستر.

اۆتور

ءاليحان اسقار