وزبەكستاندا كەلەس كەسىرتكەسىن سويىپ جەگەن 61 جاستاعى ەر ادام جاۋاپقا تارتىلدى
«يانگي وزبەكيستون» باسىلىمىنىڭ حابارلاۋىنشا، جۇرەگى 3 رەت اۋىرعان قارت ازامات كەلەس كەسىرتكەسىنىڭ (كەلەس كەسىرتكەسى نەمەسە ۆاراندار قىزىل كىتاپقا ەنگەن) ەتى مەن تەرىسى دەرتكە ەم ەكەنىن ەستىپ، ولاردى اۋلاۋعا كىرىسكەن، دەپ حابارلايدى Kazinform.

دالا كەزىپ، شوعىرلانىپ جاتقان 14 كەسىرتكەنىڭ باسىنان ۇرىپ، ولاردى شالا- جانسار كۇيىندە ۇيىنە اكەلگەن. بۇل «اڭشىنىڭ» ءبىرىنشى ولجاسى، كەلەسى جولى ول 18 كەلەس كەسىرتكەسىن اۋلاعان كورىنەدى.
اۋرۋدىڭ داۋاسىن تابۋ ءۇشىن ءوزى اۋلاعان كەلەس كەسىرتكەسىن سويىپ، ءپىسىرىپ جەگەن.
ەر ادام 32 كەلەس كەسىرتكەسىنىڭ 12- ءسىن سويىپ، ەتى مەن تەرىسىن جەپ، قالعان 20-سىن كەيىن تۇتىنۋ ءۇشىن ۇيىندە ساقتاعان.
سوت ەر ادامدى 3 جىلعا باس بوستاندىعىنان ايىرۋ جازاسىنا كەسىپ، ەكولوگيا مينيسترلىگىنىڭ پايداسىنا 141 ميلليون 900 مىڭ سۋم (5533109 تەڭگە) وندىرۋگە ۇكىم شىعاردى.
اۆتور
جاراسقان نۇرىبايەۆ