وزبەكستان SpaceX كومپانياسىمەن بىرلەسىپ عارىشقا ءوز سپۋتنيگىن ۇشىرماق
تاشكەنت. KAZINFORM - وزبەكستان يلون ماسكتىڭ SpaceX كومپانياسىمەن بىرلەسىپ، عارىشقا سپۋتنيك ۇشىرۋ مۇمكىندىگىن قاراستىرىپ جاتىر، دەپ حابارلايدى Kazinform اگەنتتىگىنىڭ مەنشىكتى ءتىلشىسى.
«وزبەك عارىش» اگەنتتىگىنىڭ مالىمەتىنشە، عارىش كەڭىستىگىنە زەرتتەۋ جۇرگىزەتىن جەرسەرىك ۇشىرۋ باستاماسى وزبەك دەلەگاتسياسىنىڭ لوس-اندجەلەسكە ساپارى بارىسىندا تالقىلانعان. سپۋتنيكتى جاپونيانىڭ كيۋسيۋ تەحنولوگيالىق ينستيتۋتىندا وقىپ جاتقان وزبەكستاندىق ستۋدەنتتەر قۇراستىرۋى مۇمكىن.
سونىمەن قاتار تاراپتار كەلىسسوزى بارىسىندا SpaceX كومپانياسىنىڭ وكىلدەرى وزبەكستاننىڭ 2035 -جىلعا دەيىن عارىشتى زەرتتەۋ ستراتەگياسىن دامىتۋ ءۇشىن كومەك كورسەتۋگە نيەتتى ەكەنىندەرىن جەتكىزدى.
ەسكە سالايىق، بۇعان دەيىن ا ق ش- تىڭ SpaceX عارىش كومپانياسى وزبەكستانعا ۇلتتىق عارىش باعدارلاماسىن ازىرلەۋگە جاردەمدەسەتىنىن جازىپ ەدىك.
بۇعان قوسا، كەلەر جىلى وزبەكستان ت م ۇ- عا مۇشە ەلدەرمەن بىرلەسىپ عارىشعا سپۋتنيك ۇشىرماق.
سونداي-اق، بىلتىر رەسمي تاشكەنت عارىش كەڭىستىگىن زەرتتەۋگە باعىتتالعان حالىقارالىق شارتقا قوسىلعان ەدى.
