وزبەكستان مەديتسينالىق قالدىقتان جىلۋ ەنەرگياسىن وندىرمەك

تاشكەنت. KAZINFORM - وزبەكستاندا امەريكالىق «Sauer» كومپانياسىمەن بىرلەسىپ، مەديتسينالىق قالدىقتاردان بالامالى جىلۋ ەنەرگياسىن وندىرەتىن «Sayar green» كاسىپورنى قۇرىلدى.

اتالعان جوبانى ىسكە اسىرۋ جونىندەگى شارالار پرەزيدەنت شاۆكات ميرزيەۆتىڭ ءتيىستى قاۋلىسىمەن بەكىتىلدى، دەپ حابارلايدى Kazinform اگەنتتىگىنىڭ تاشكەنتتەگى مەنشىكتى ءتىلشىسى ءاليحان اسقار.

ينۆەستور، جاڭا كومپانيا جانە ۇكىمەت اراسىنداعى ينۆەستيتسيالىق كەلىسىمشارتقا بيىل ساۋىردە ءو ر ينۆەستيتسيالار، ونەركاسىپ جانە ساۋدا مينيسترلىگى قول قويعان بولاتىن. جوبانى ىسكە قوسۋ 1-تامىزعا جوسپارلانىپ وتىر.

قاۋلىعا ساي، «Sayar green» كومپانياسى 2024-2025 -جىلدار ارالىعىندا 7 ميلليون دوللار تىكەلەي ينۆەستيتسيا تارتۋى ءتيىس. ول تاشكەنت قالاسى، سامارقان جانە بۇحارا وبلىستارىنداعى بارلىق مەديتسينالىق مەكەمەلەردەن شىعارىلاتىن 6 مىڭ توننا مەديتسينالىق قالدىقتى تەرميالىق ادىسپەن قايتا وڭدەيدى. تيسىنشە، ودان جىلىنا 20 گ ۆ ت- ساعات جىلۋ ەنەرگياسى وندىرىلەدى.

كەلەسى كەزەڭدە، ياعني 2026-2030 -جىلداردا كومپانيا 108 ميلليون دوللار كولەمىندە تىكەلەي ينۆەستيتسيا تارتۋدى جوسپارلاپ وتىر. ونىڭ ناتيجەسىندە كاسىپورىن وزبەكستاننىڭ بارلىق وڭىرلەرىندەگى مەديتسينالىق مەكەمەلەردەن شىعارىلاتىن 90 مىڭ تونناعا جۋىق قالدىقتى قايتا وڭدەپ، 300 گ ۆ ت- ساعات جىلۋ ەنەرگياسىن الماق.

ول ءۇشىن كومپانياعا 2048 -جىلعا دەيىن مەملەكەتتىك مەديتسينالىق مەكەمەلەردىڭ اۋماعىنان الاڭدار جالعا بەرىلمەك.

ءو ر ەكولوگيا، قورشاعان ورتانى قورعاۋ جانە كليماتتىڭ وزگەرۋى مينيسترلىگى بولگەن ارنايى ورىنداردا تۇرمىستىق قالدىق پوليگوندارى ۇيىمداستىرىلادى.

جوبا اياسىندا فارماتسيەۆتيكالىق، بيولوگيالىق، ۆەتەريناريالىق قالدىقتاردى كادەگە جاراتاتىن جوعارى تەمپەراتۋرالى تەرميالىق وڭدەۋ ورتالىقتارى قۇرىلادى.

مەديتسينالىق قالدىقتاردى قايتا وڭدەۋ ەسەبىنەن وندىرىلگەن جىلۋ ەنەرگياسىن مەملەكەتتىك مەديتسينالىق مەكەمەلەر مەن باسقا دا ۇيىمدار ارنايى تاريف بويىنشا ساتىپ الادى.

اۆتور

ءاليحان اسقار