وڭتۇستىك كورەيانىڭ قورعانىس قولباسشىسى قاماۋعا الىندى
استانا. KAZINFORM - وڭتۇستىك كورەيا پروكۋراتۋراسى كورەيا رەسپۋبليكاسىنىڭ استانالىق قورعانىس قولباسشىلىعىنىڭ قىزمەتىنەن ۋاقىتشا بوساتىلعان باسشىسى لي چجين ۋدى قاماۋعا الدى، دەپ جازادى تاسس اگەنتتىگى Yonhap پورتالىنا سىلتەمە جاساپ.
- بۇگىن كەشكە لي چجين ۋ وردەر بويىنشا قاماۋعا الىندى، - دەدى اسكەري جاعدايدى تەرگەۋ ءۇشىن ارنايى قۇرىلعان توپ.
ول 3 -جەلتوقساندا استانالىق قورعانىس قولباسشىلىعىنىڭ باسشىسى رەتىندە اسكەري جاعداي جاريالانعاننان كەيىن ۇلتتىق جينالىسقا اسكەري قىزمەتكەرلەردى جىبەرگەن.
قورعانىس مينيسترلىگى وسىعان دەيىن دەيىن لي چجين ۋدى، ارميانىڭ ارنايى كۇشتەرى قولباسشىلىعىنىڭ باسشىسى كۆاك چون گىندى جانە ارميانىڭ قارسى بارلاۋ باسقارماسىنىڭ باسشىسى يە ين حيەندى قىزمەتتەرىنەن شەتتەتكەن بولاتىن.
بۇعان دەيىن وڭتۇستىك كورەيا ۇلتتىق پوليتسيا اگەنتتىگىنىڭ باسشىسى مەن پوليتسيا باستىعى تارتىپسىزدىككە قاتىسى بار دەگەن كۇدىكپەن قاماۋعا الىنعان بولاتىن.
ەسكە سالساق، 3 -جەلتوقساندا وڭتۇستىك كورەيادا پرەزيدەنت يۋن سوك يەل اسكەري جاعداي ەنگىزىلگەنىن جاريالادى. بۇل ءبىر جاعىنان ەلدەگى دەموكراتيالىق ينستيتۋتتاردىڭ كۇشتىلىگىن كورسەتەدى. اتالعان ەلدەگى جاعدايدىڭ سەبەبىن قازاقپارات اگەنتتىگىنىڭ حالىقارالىق باقىلاۋشىسى زەرتتەدى.
ەركەجان سماعۇلوۆا
اۆتور
