وڭتۇستىك كورەيانىڭ بۇرىنعى قورعانىس ءمينيسترى مەملەكەتكە وپاسىزدىق جاسادى دەگەن ايىپپەن قاماۋعا الىندى

استانا. KAZINFORM - بۇرىنعى قورعانىس ءمينيسترى كيم يەن حەن سەۋلدىڭ شىعىسىنداعى ۋاقىتشا ۇستاۋ يزولياتورىنا جىبەرىلدى، دەپ حابارلايدى Yonhap.

پروكۋرورلار پرەزيدەنت يۋن سوك يەل وتكەن اپتادا قىسقاشا اسكەري جاعداي جاريالاعاننان كەيىن بۇرىنعى قورعانىس ءمينيسترى كيم يەن حەندى مەملەكەتكە وپاسىزدىق جاسادى دەگەن كۇدىكپەن تەرگەۋ بارىسىندا قاماۋعا الدى.

ارنايى تەرگەۋ شتابى كيمدى تۇتقىنداپ، ۇيالى تەلەفونىن تارتىپ العانىن حابارلادى.

كيم پرەزيدەنت يۋن سوك يەلعا اسكەري جاعداي ەنگىزۋدى ۇسىندى. اسكەري جاعدايدى سەيسەنبى كۇنى كەشكە جاريالاعان ەدى.

وڭتۇستىك كورەيا پرەزيدەنتى اسكەري جاعداي ەنگىزگەنى ءۇشىن كەشىرىم سۇرادى.

سارسەنبى كۇنى قورعانىس ءمينيسترى كيم يەن حەن كەشىرىم سۇراپ، وتستاۆكاعا كەتۋدى ۇسىندى.

وڭتۇستىك كورەيا پرەزيدەنتى يۋن سوك يەل قورعانىس ءمينيسترى كيم يەن حەننىڭ وتستاۆكاسىن قابىلدادى.

ەلميرا ورالبايەۆا

اۆتور