15:28, 17 - قاڭتار 2025 | GMT +5
وڭتۇستىك كورەيادا پرەزيدەنت كۇزەت قىزمەتى باسشىسىنىڭ مىندەتىن اتقارۋشى قامالدى
استانا. قازاقپارات- سەۋلدە وڭتۇستىك كورەيا پرەزيدەنتى كۇزەت قىزمەتى باسشىسىنىڭ مىندەتىن اتقارۋشى كيم سون حۋن قاماۋعا الىندى. «يونحاپ» اگەنتتىگىنىڭ حابارلاۋىنشا، وعان تەرگەۋ ورگاندارىنىڭ جۇمىسىنا كەدەرگى كەلتىردى دەگەن ايىپ تاعىلىپ وتىر.

كيم سون حۋن ۇلتتىق تەرگەۋ باسقارماسىنا جاۋاپ بەرۋ ءۇشىن كەلگەندە ۇستالعان. پرەزيدەنتتى العاشقى قاماۋعا الۋ ارەكەتى كەزىندە ول تەرگەۋ ىسىندە جاۋاپ بەرۋ ءۇشىن 3 رەت شاقىرىلعان. ءبىراق كيم سون حۋن كەلمەي قويدى.
ەستەرىڭىزگە سالا كەتەيىك، 14-جەلتوقساندا دەپۋتاتتار مەملەكەت باسشىسى يۋن سوك يەلگە يمپيچمەنت جاريالاپ، سوت ونى قاماۋعا وردەر بەرگەن بولاتىن. الايدا ونىڭ كۇزەتشىلەرى ۇستاۋعا مۇرسات بەرمەدى. ويتكەنى ولار پوليتسيادان كوپ بولعان. كيم سون حۋن: «قىزمەتتىك مىندەتتەر شەڭبەرىندە ارەكەت ەتتىم»، - دەيدى.