11:28, 10 - ءساۋىر 2024 | GMT +5
وڭتۇستىك كورەيادا قازاقستاندىق ازامات قازا تاپتى
استانا. KAZINFORM - قازاقستاندىق جۇمىسشى وڭتۇستىك كورەيادا اعىندى سۋدى تازارتۋ كەزىندە قازا تاپتى. الدىن الا مالىمەتتەر بويىنشا، ونى توق سوققان، دەپ حابارلايدى Yonhap News.
جازاتايىم وقيعا 2024 -جىلدىڭ 8 ساۋىرىندە تۇستەن كەيىن چوندجۋ قالاسىنداعى شىنى زاۋىتىنىڭ تازارتۋ قوندىرعىسىندا بولدى. قازىر جەرگىلىكتى پوليتسيا مەن ەڭبەك جانە جۇمىسپەن قامتۋ مينيسترلىگى تەرگەۋ جۇرگىزۋدە.
الدىن الا مالىمەتتەر بويىنشا، 30 جاستاعى وتانداسىمىزدى توق سوققان، كەيىن اۋرۋحاناعا جەتكىزىلىپ، سول جەردە قايتىس بولدى.
ەلىمىزدىڭ سىرتقى ىستەر مينيسترلىگى قازاقستاندىقتىڭ وڭتۇستىك كورەياداعى زاۋىتتا قايتىس بولعانىن راستادى.
«وندىرىستە قازا تاپتى، قازىر تۋىستارىمەن بايلانىسىپ، قاجەتتى قۇجاتتاردى راسىمدەپ جاتىرمىز»، - دەدى س ءى م رەسمي وكىلى ايبەك سمادياروۆ.
اۆتور
داۋلەت ىزتىلەۋ
