وڭتۇستىك كورەيادا بيلەۋشى پارتيانىڭ جەتەكشىسى پرەزيدەنتتى ورنىنان الۋ قاجەتتىگىن مالىمدەدى

استانا. KAZINFORM - «حالىق كۇشى» پارتياسىنىڭ (PPP) وكىلى حان دون حۋن ەگەر يۋن سوك يەل بيلىكتە قالسا اسكەري جاعدايدى جاريالاۋ ءتارىزدى «راديكالدى» ارەكەتتەرگە تاعى بارۋى مۇمكىن ەكەنىن مالىمدەدى، دەپ حابارلايدى Yonhap اقپارات اگەنتتىگى.

جۇما كۇنى بيلەۋشى پارتيانىڭ جەتەكشىسى پرەزيدەنت يۋن سوك يەلدى مۇمكىندىگىنشە تەزىرەك قىزمەتىنەن بوساتۋ كەرەكتىگىن مالىمدەپ، يۋن اسكەري جاعداي ەنگىزۋ ارەكەتى كەزىندە نەگىزگى ساياساتكەرلەردى «مەملەكەتكە قارسى» ارەكەت جاسادى دەپ ايىپتاپ، تۇتقىنعا الۋعا بۇيرىق بەرگەنىن، ءتىپتى ولاردى تۇتقىنداۋ ءۇشىن بارلاۋ قىزمەتىن جۇمىلدىرعانىن اتاپ ءوتتى.

- جاڭادان اشىلعان فاكتىلەردى ەسكەرە وتىرىپ، مەن پرەزيدەنت يۋن سوك يەلدى كورەيا رەسپۋبليكاسى مەن ونىڭ حالقىن قورعاۋ مىندەتىنەن دەرەۋ بوساتۋ كەرەك دەپ سانايمىن، - دەدى حان.

ول ەگەر يۋن پرەزيدەنت قىزمەتىن جالعاستىرا بەرسە، ەلگە «اۋىر قاۋىپ» توندىرەتىن مۇنداي «راديكالدى ارەكەتتەر» قايتالانۋى مۇمكىن دەپ قاتتى الاڭداۋشىلىق ءبىلدىردى.

بۇعان دەيىن وڭتۇستىك كورەيادا توتەنشە جاعداي رەجيمى ەنگىزىلگەن بولاتىن. الايدا پارلامەنت ونى جويۋعا داۋىس بەردى.

اۆتور

زارينا تۋعانبايەۆا