وڭتۇستىك كورەيا پرەزيدەنتى اسكەري جاعداي ەنگىزگەنى ءۇشىن كەشىرىم سۇرادى

استانا. KAZINFORM - وڭتۇستىك كورەيا پرەزيدەنتى يۋن سوك يەل ەلدە اسكەري جاعداي ەنگىزىلگەننەن كەيىنگى العاشقى سوزىندە نە ايتقانى بەلگىلى بولدى، دەپ جازادى BBC.

يۋن سوك يەل «قىزمەتتەگى مەرزىمى تۋرالى ماسەلەنى» ءوزىنىڭ «حالىق كۇشى» پارتياسىنىڭ قاراۋىنا قالدىراتىنىن ايتتى. وسىدان كەيىن پارتيا باسشىسى حان دون حۋن وڭتۇستىك كورەيا باسشىسىنىڭ مەرزىمىنەن بۇرىن وتستاۆكاعا كەتۋى ءسوزسىز ەكەنىن ايتتى.

وڭتۇستىك كورەيا پرەزيدەنتى يۋن سوك يەلدىڭ حالىققا ۇندەۋى ونىڭ وتستاۆكاعا كەتۋىنە اكەلەتىن پارلامەنتتىك داۋىس بەرۋدەن بىرنەشە ساعات بۇرىن جاسالدى.

شامامەن 2 مينۋتقا سوزىلعان سوزىندە ول وسى اپتانىڭ باسىندا اسكەري جاعداي ەنگىزۋ تۋرالى شەشىمى ءۇشىن كەشىرىم سۇرادى.

- بۇل شەشىم شاراسىزدىقتان قابىلداندى. ول ادامدارعا الاڭداۋشىلىق پەن قولايسىزدىق اكەلدى. مەن بۇل ءۇشىن وكىنەمىن جانە كەشىرىم سۇرايمىن، - دەدى ول.

پرەزيدەنت كەيبىر قارسىلاستارى قاۋىپتەنگەندەي ەكىنشى رەت سوعىس جاعدايىن جاريالامايتىنىن ايتتى.

يۋن سوك يەل وتستاۆكاعا كەتۋگە دايىن ەكەنىن بىلدىرمەدى جانە الداعى پارلامەنتتەگى يمپيچمەنت تۋرالى ەشتەڭە ايتپادى.

بۇل يۋن سوك يەلدىڭ پارلامەنت ونىڭ جارلىعىنا قارسى داۋىس بەرگەننەن كەيىنگى اسكەري جاعدايدى الىپ تاستاعاننان كەيىنگى العاشقى حالىققا شىعۋى بولدى. وسىدان كەيىن ەل پارلامەنتىندە باسىم داۋىسقا يە وپپوزيتسيالىق دەپۋتاتتار پرەزيدەنتكە يمپيچمەنت جاريالاۋ تۋرالى زاڭ جوباسىن ۇسىنىپ، وڭتۇستىك كورەيا پوليتسياسى وعان قارسى توڭكەرىس ۇيىمداستىردى دەگەن كۇدىكپەن تەرگەۋدى باستادى.

يۋن سوك يەلدىڭ حالىققا ۇندەۋىنەن كەيىن «حالىقتىق بيلىك» پارتياسىنىڭ جەتەكشىسى حان دون حۋن وڭتۇستىك كورەيا كوشباسشىسىنىڭ مەرزىمىنەن بۇرىن وتستاۆكاعا كەتۋى ءسوزسىز ەكەنىن ايتتى، ويتكەنى ول ەندى مەملەكەتتىك مىندەتتەردى اتقارا المايدى.

وپپوزيتسيالىق دەموكراتيالىق پارتيا جەتەكشىسى لي چجە ميەن پرەزيدەنت ءسوزىن «كوڭىل تۇسىرەتىن» دەپ اتادى. ونىڭ ايتۋىنشا، پرەزيدەنتتىڭ ءسوزى «قوعامنىڭ ءۇمىتىن اقتامادى جانە ودان ءارى الدادى».

- قازىر وڭتۇستىك كورەيا ءۇشىن ەڭ ۇلكەن قاۋىپ - پرەزيدەنتتىڭ بيلىكتە بولۋى. وتستاۆكا نەمەسە يمپيچمەنت ارقىلى يۋننىڭ بيلىگىن تەز ارادا توقتاتۋدان باسقا جول جوق، - دەدى لي.

وڭتۇستىك كورەيا پارلامەنتى پرەزيدەنتكە يمپيچمەنت جاريالاۋ تۋرالى زاڭ جوباسىن داۋىسقا سالادى. الايدا پرەزيدەنتتىڭ وتستاۆكاسى تۋرالى زاڭ جوباسى قابىلدانۋى ءۇشىن وپپوزيتسياعا پرەزيدەنت پارتياسىنىڭ دەپۋتاتتارىنىڭ كەمىندە 8 داۋىسى قاجەت.

بۇعان دەيىن وڭتۇستىك كورەيا پرەزيدەنتىنە يمپيچمەنت جاريالاۋ پروتسەسى باستالعانىن جازعان بولاتىنبىز.

اۆتور

ەركەجان سماعۇلوۆا