وڭتۇستىك كورەيا ەلىمىزدە تۇرمىستىق تەحنيكا شىعاراتىن ءوندىرىس اشپاق

استانا. قازاقپارات - Samsung Electronics كومپانياسى ەلىمىزدە تۇرمىستىق تەحنيكا شىعاراتىن ءوندىرىس اشۋعا نيەت ءبىلدىردى.

Samsung Electronics  Қозоғистонда маиший техника ишлаб чиқарадиган завод очмоқчи
Фото: bbc.com

بۇل تۋرالى اقوردادا وڭتۇستىك كورەيا پرەزيدەنتى يۋن سوك يەلمەن كەلىسسوزدەردەن كەيىنگى بىرلەسكەن مالىمدەمە بارىسىندا مەملەكەت باسشىسى قاسىم-جومارت توقايەۆ ايتتى.

«ءبىز پرەزيدەنت يۋن سوك يەل مىرزامەن جان-جاقتى ىنتىماقتاستىقتى نىعايتۋعا كەلىستىك. اسىرەسە، ينفراقۇرىلىم، ءوندىرىس، قارجى، ەنەرگەتيكا، ەكولوگيا، اۆتوموبيل مەن ايەروعارىش ونەركاسىبى، ІТ، سيفرلاندىرۋ جانە باسقا دا سالالارعا باسىمدىق بەرىپ وتىرمىز. قازىر Doosan Enerbility كومپانياسى تۇركىستاندا بۋ-گاز قوندىرعىسى ارقىلى جۇمىس ىستەيتىن ەلەكتر ستانساسىن سالىپ جاتىر. سونىمەن قاتار Samsung Electronics كومپانياسى ەلىمىزدە تۇرمىستىق تەحنيكا شىعاراتىن ءوندىرىس اشۋعا نيەت ءبىلدىردى. ءبىز مۇنداي باستامانى بارىنشا قولدايمىز»، - دەدى پرەزيدەنت.

مەملەكەت باسشىسىنىڭ اتاپ وتۋىنشە، GL Rapha كومپانياسى استانادا بيوفارماتسيەۆتيكا زاۋىتىن سالۋدى جوسپارلاپ وتىر.

«كەلىسسوز بارىسىندا سيرەك كەزدەسەتىن مەتالداردى بىرلەسىپ زەرتتەۋ جانە ءوندىرۋ ماسەلەسىن دە قاراستىردىق. ءبىز قازاقستان نارىعىنا كىرگىسى كەلەتىن كورەي كومپانيالارىنا قولايلى جاعداي جاساۋعا دايىنبىز. ونى جۇزەگە اسىرۋدىڭ ناقتى جولدارى بار. ۇكىمەتارالىق كوميسسيا ىسكەرلىك كەڭەسپەن بيزنەس قاۋىمداستىعى اراسىنداعى جۇمىس توبى قۇرىلدى. بۇل قۇرىلىمدار ەكىجاقتى ەكونوميكالىق بايلانىستى نىعايتۋعا زور سەرپىنىن تيگىزەدى دەپ سەنەمىز»، - دەدى قاسىم- جومارت توقايەۆ.

اۆتور

مارلان جيەمباي

سوڭعى جاڭالىقتار