وڭتۇستىك كورەيا الەمدەگى ەڭ جارقىن ەل، ال سولتۇستىك كورەيا ەڭ قاراڭعى ەل - پرەزيدەنت

استانا. قازاقپارات - كورەي تۇبەگىندە شيەلەنىس تاعى كۇشەيدى. سولتۇستىك كورەيانىڭ وڭتۇستىككە ۇشىرعان اۋە شارلارىنان كەيىن كورەيا رەسپۋبليكاسىنىڭ پرەزيدەنتى يۋن سوكيەل مالىمدەمە جاساپ، رەسمي پحەنياندى ايىپتادى. سونداي- اق ول كورشى ەلدەگى حالىقتىڭ بيلىكتەن ازاپ شەگىپ جاتقانىن ايتتى.

Солтүстік Корея Оңтүстік Кореяға нәжіс заттар толтырылған шарларды ұшырды
Фото: Yonhap

ەكى جاقتاعى كورەي ۇلتىن بىرىكتىرۋ جۇمىستارى جالعاساتىنىن جەتكىزدى. ساراپشىلار پرەزيدەنت مالىمدەمەسىنەن كەيىن سولتۇستىكتەگى كورشى اسكەري اگرەسسيانى كۇشەيتەدى، دەپ بولجادى. سولتۇستىكتىڭ وڭتۇستىك كورەياعا قارسى اگرەسسياسىنا پرەزيدەنت يۋن سوك يەلدىڭ جۋىردا جاساعان مالىمدەمەلەرى سەبەپ بولۋى مۇمكىن. 6 -ماۋسىمدا ەل ءۇشىن جانىن قيعان ساربازدار مەن ازاماتتاردى ەسكە الۋ كۇنى مەملەكەت باسشىسى سولتۇستىك كورەيا حالقىن اشتىقتان زارداپ شەگىپ جاتقانىن ايتىپ، ولاردى بوستاندىق پەن ادام قۇقىعىنان ايىرىلعان وتانداستارىمىز دەپ اتادى.

يۋن سوكيەل، كورەيا رەسپۋبليكاسىنىڭ پرەزيدەنتى:

- سولتۇستىك كورەيا رەجيمى تاريحي پروگرەستى جوققا شىعارىپ، ومىرىمىزگە قاۋىپ توندىرە وتىرىپ، كەرى كەتۋ جولىنا ءتۇستى. باتىس تەڭىزدە ارتيللەريالىق اتقىلاۋ مەن زىمىران ۇشىردى. ودان كەيىن جاقىندا تاعى دا ارانداتۋشىلىق جاسادى. ۇكىمەت سولتۇستىك كورەيانىڭ بۇل قوقان-لوققىسىن ەشقاشان نازاردان تىس قالدىرمايدى.

يۋن سوك يەل وڭتۇستىك كورەيانى ەڭ جارقىن، ال سولتۇستىك كورەيانى الەمدەگى ەڭ قاراڭعى ەل دەپ مالىمدەدى. پرەزيدەنت ءتىپتى ەكى مەملەكەتتى كۇشپەن بىرىكتىرۋ تۋرالى وي ايتتى.

يۋن سوك يەل، كورەيا رەسپۋبليكاسىنىڭ پرەزيدەنتى:

- بەيبىتشىلىك ارقىلى باعىندىرۋ ەمەس، كۇشپەن جاقىنداتۋ. ءبىز قۋاتتى بولا تۇسسەك عانا سولتۇستىك كورەيانى وزگەرتە الامىز. وڭتۇستىك كورەيا مەن امەريكا قۇراما شتاتتارى اراسىنداعى نىعايتىلعان وداق پەن حالىقارالىق قوعامداستىققا سۇيەنە وتىرىپ، ءبىز حالقىمىزدىڭ بوستاندىعى مەن قاۋىپسىزدىگىن نىق قورعايتىن بولامىز.

پرەزيدەنت يۋن جاقىندا قوقىس تولتىرىلعان مىڭعا جۋىق شاردىڭ سولتۇستىكتەن كەلگەنىن قاتاڭ ايتىپتادى. بۇعان جاۋاپ رەتىندە وتكەن بەيسەنبىدە سولتۇستىك كورەيالىق قاشقىندار ۇيىمى ۇگىت-ناسيحات پاراقشالار مەن دوللار كۋپيۋرالارىن جانە وڭتۇستىك كورەيالىق مۋزىكا ساقتالعان USB ديسكىلەردى جانە 10-عا جۋىق ۇلكەن پلاستيكالىق شارلاردى سولتۇستىك جاققا ۇشىردى.

سونداي-اق وسى اپتادا ا ق ش پەن وڭتۇستىك كورەيا اسكەريلەرى سوڭعى 7 جىلدا العاش رەت B-1B بومبالاۋشى ۇشاعىن كوككە قالىقتاتىپ، بىرلەسكەن جاتتىعۋ وتكىزدى.

24.kz

سوڭعى جاڭالىقتار