وتباسىنىڭ تابىسى، باسپاناسى مەن نەسيەسى ساناتىنا قالاي اسەر ەتەدى

قازاقستاندا وتباسىنىڭ الەۋمەتتىك جاعدايىن باعالاعاندا تەك تابىسى عانا ەمەس، باسقا دا كورسەتكىشتەر ەسكەرىلەدى. ماسەلەن، وتباسى مۇشەلەرىنىڭ جۇمىسى، باسپاناسىنىڭ بولۋى، مۇلكى، نەسيەلەرى مەن جيناقتارى نازارعا الىنادى.

C ساناتىنا تابىسى ورتاشا، تۇرمىس جاعدايى قاناعاتتانارلىق وتباسىلار جاتادى.

D ساناتىنداعى وتباسىلاردىڭ قارجىلىق جاعدايى قيىنداۋ بولادى. ولاردىڭ تابىسى تومەن، تۇراقتى جۇمىسى مەن جەكە باسپاناسى بولماۋى مۇمكىن. سونداي-اق مەرزىمى وتكەن نەسيەلەرى جانە وتباسىنىڭ ماتەريالدىق جاعدايىنا اسەر ەتەتىن باسقا دا قيىندىقتارى بولۋى مۇمكىن.

E ساناتىنا مەملەكەت تاراپىنان ءبىرىنشى كەزەكتە قولداۋ قاجەت وتباسىلار جاتادى. ادەتتە، مۇنداي وتباسىلاردا بىردەن بىرنەشە قيىندىق كەزدەسەدى. مىسالى، تابىسى كەدەيلىك شەگىنەن ەداۋىر تومەن بولۋى، تۇراقتى جۇمىسى، باسپاناسى، مۇلكى مەن جيناعى بولماۋى، سونداي-اق مەرزىمى وتكەن نەسيەلەرى بولۋى مۇمكىن.

وتباسىنىڭ ساناتى ءبىر عانا كورسەتكىشكە قاراپ انىقتالمايتىنىن ەسكەرۋ ماڭىزدى. وتباسىنىڭ سيفرلىق كارتاسى 50-دەن استام ولشەمشارتتى ەسكەرەدى. ولاردىڭ قاتارىندا تابىس دەڭگەيى، جۇمىسپەن قامتىلۋى، تۇرعىن ءۇي جاعدايى، مۇلكى، كولىگى، نەسيەلەرى، كاسىبىنىڭ، جەر ۋچاسكەسىنىڭ جانە جەكە قوسالقى شارۋاشىلىعىنىڭ بولۋى، سونداي-اق الەۋمەتتىك جاعدايى بار.

وتباسىنىڭ ومىرلىك جاعدايى وزگەرسە، ونىڭ ساناتى دا قايتا قارالۋى مۇمكىن.

ايتا كەتەلىك А ساناتىنا ءال-اۋقاتى جوعارى وتباسىلار، ال ب ساناتىنا اۋقاتتى وتباسىلار جاتاتىنى تۋرالى جازعان ەدىك.