وتاندىق قۇرىلىس ماتەريالدارىنىڭ ۇلەسى قانشا

استانا. قازاقپارات – ق ر ونەركاسىپ جانە قۇرىلىس مينيسترلىگى وسى جىلى قازاقستانعا شەتەلدەن قانداي قۇرىلىس ماتەريالدارى جەتكىزىلىپ جاتقانى جايىندا تۇسىنىك بەردى.

«قۇرىلىس ماتەريالدارى بويىنشا وتاندىق ونىمدەردىڭ ۇلەسىندن 2020 -جىل مەن 2024 -جىل ارالىعىندا ءوسىم بولدى، ياعني 13 پايىزدىق كورسەتكىشكە ۇلعايدى. 2024 -جىلدىڭ قاڭتار-تامىزى ارالىعىندا وتاندىق ءونىم ۇلەسى 66,8 پايىزدى كورسەتتى. شەتەلدەن جەتكىزىلەتىن نەگىزگى ماتەريالداردىڭ اراسىندا ءمارمار، تراۆەرتين، الەباستر، شلاكتى ماقتا، مينەرالدى ءارى سيليكاتتى ماقتالار بار»، - دەلىنگەن مينيسترلىكتىڭ Kazinform اگەنتتىگىنە بەرگەن جاۋابىندا.

قازاقستان نارىعى مىنا ماتەريالدارمەن تولىقتاي قامتاماسىز ەتىلگەن: پورتلاندتسەمەنت، تاۋارلى بەتون، گيپس، قۇرىلىس ەرىتىندىلەرى جانە گيپستى كارتون.

«سونىمەن قاتار، 2024 -جىلدىڭ قىركۇيەگىندە جوبا قۇنى 43,8 ميلليارد تەڭگە بولاتىن زاۋىت ىسكە اسىرىلدى. وسى زاۋىتتىڭ اشىلۋىمەن جىلۋ وقشاۋلاعىش ماتەريالدارىنا قاتىستى 100 پايىزعا ىشكى نارىقتى قامتيدى جانە شەتەلگە ەكسپورتتاۋعا مۇمكىندىك تۋادى»، - دەلىنگەن ۆەدومستۆو اقپاراتىندا.

مۇنىمەن قوسا يمپورتقا تاۋەلدى تاۋار تۇرلەرى دە بار. ولاردىڭ اراسىندا ەدەنگە توسەيتىن ونىمدەردى (لينولەۋم)، ءتۇسقاعازدار جانە سانفايانس سياقتى ءونىمدى اتاپ وتكەن ءجون.

بيىل كوكتەمدە پرەمەر-ءمينيستردىڭ ورىنباسارى- ۇلتتىق ەكونوميكا ءمينيسترى نۇرلان بايبازاروۆ كەيبىر قۇرىلىس ماتەريالدارى بويىنشا تولىق يمپورتقا تاۋەلدى ەكەنىمىزدى ايتقان ەدى.

اۆتور

رۋسلان عابباسوۆ