وتاندىق استىق ەۋروپا مەن افريكاعا ەكسپورتتالادى

استانا. قازاقپارات - وتاندىق استىق باتىس ەۋروپا مەن سولتۇستىك افريكاعا ەكسپورتتالادى. بۇل باعىتتا شىعارىلاتىن جۇك كولەمى جىلىنا 1,5-2 ميلليون تونناعا جۋىقتاۋى مۇمكىن.

بۇل تۋرالى پرەمەر- مينيستر ورىنباسارى سەرىك جۇمانعارين ءماجىلىس قابىرعاسىندا وتكەن جيىندا ايتتى. اگرارلىق ماسەلەلەر جونىندەگى كوميتەتتىڭ كەڭەيتىلگەن وتىرىسىندا ەكسپورت ارناسىن كەڭەيتۋ جولدارى تالقىلاندى. جالپى بيىل جينالعان 20 ميلليون توننا ءونىمنىڭ 12 ميلليونىن وزگە ەلدەرگە ساتۋ جوسپارلانىپ وتىر. ال ىشكى نارىقتاعى باعانى ۇستاپ تۇرۋ ءۇشىن ۇكىمەت ءوز رەزەرۆىنەن بولىنگەن 10 ميلليارد تەڭگەگە «ازىق- تۇلىك كورپوراتسياسى» ارقىلى شارۋالاردان 150 مىڭنان استام توننا استىق ساتىپ الۋدى كوزدەپ وتىر.

كورسەتكىشتى 1 ميلليون تونناعا جەتكىزۋ ءۇشىن 75 ميلليارد تەڭگە كولەمىندە قوسىمشا قارجىلاندىرۋ قاجەت.

سەرىك جۇمانعارين، ق ر پرەمەر- ءمينيسترىنىڭ ورىنباسارى:

- قازىر بىزدەن كوبىنە ورتالىق ازيا مەن اۋعانستان الادى، 5-6 ميلليون توننا. وزبەكستان 3,5 ميلليون ، تاجىكستان 1 ميلليون ، قىرعىزستان 500 مىڭ توننا الادى. وسى 3 مەملەكەت 5 ميلليون الادى.

باۋىرجان ورىنباساروۆ، «قازاقستان تەمىر جولى» ۇ ك» ا ق باسقارۋشى ديرەكتورى:

- «قازاقستان تەمىر جولى» ۇلتتىق كومپانياسى تاراپىنان استىق تاسىمالداۋ بويىنشا ۆاگوندىق كونتەينەرلەردى ۇسىنۋ جۇمىستارى ۇدايى جۇرگىزىلىپ كەلەدى. سوڭعى 2 اي ىشىندە، اتاپ ايتساق، قىركۇيەك پەن قازان ايلارىندا 2 ميلليون 600 مىڭ توننا استىق جونەلتتىك. ونىڭ ىشىندە 2 ميلليون 100 مىڭ تونناسى ەكسپورت سانالادى. قالعانى ىشكى نارىقتا قالدى. يران باعىتىنداعى ەكسپورتىمىز قايتا جانداندى. بيىل قىركۇيەك ايىنان باستاپ، 13-قاراشاعا دەيىن اقتاۋداعى قۇرىق پورتى ارقىلى 270 مىڭ توننا ءداندى-داقىل جەتكىزدىك.

24.kz