وسكەمەندە جەل سوقپاي، كوشەلەردى ءتۇتىن باسىپ تۇرعانىنا بۇگىن ءتورتىنشى كۇن
وسكەمەن. KAZINFORM - وسكەمەن قالاسىندا 23- قاراشادان بەرى قولايسىز مەتەورولوگيالىق جاعداي قالىپتاسىپ تۇر.
قالادا بۇگىن جەل سوقپاي تۇرعانىنا ءتورتىنشى كۇن بولدى. قولايسىز مەتەورولوگيالىق جاعدايدان كوشەلەردى ءتۇتىن تۇمشالاپ العان. اسىرەسە، تاڭەرتەڭ جۇمىسقا بارا جاتقاندا حالىق قويۋ ءتۇتىننىڭ قولايسىزدىق تۋدىرعانىن ايتىپ جاتىر.
«قازگيدرومەت» ر م ك مالىمەتىنە سۇيەنسەك، ق م ج ءالى دە سوزىلادى. ناقتى ايتقاندا، 26 -جەلتوقسان ساعات 20.00-گە دەيىن ەكىنشى دارەجەلى قولايسىز مەتەورولوگيالىق جاعداي قالىپتاسادى. ال ودان سوڭعى بولجام كەشكە قاراي جاريالانباق.
ش ق و سانيتارلىق ەپيدەميولوگيالىق باقىلاۋ دەپارتامەنتىنىڭ حابارلاۋىنشا، وسىنداي كەزدە تۇرعىندارعا دالادا ۇزاق جۇرمەي، پاتەردەگى تەرەزەلەر مەن جەلدەتكىشتەردى جاۋىپ، قايناتىلعان، تازارتىلعان نەمەسە گازسىز مينەرالدى سۋ مەن شايدى ءجيى ءىشۋ ۇسىنىلادى.
ەسكە سالساق، قاراشا ايىندا وسكەمەندە حالىق تۇنشىعىپ، ال ساراپشىلار اۋا ساپاسىنىڭ مونيتورينگى سىلبىر جۇرگىزىلەتىنىن سىناعان بولاتىن.
تالعاتجان مۇحامەتبەك ۇلى
اۆتور
