وسكەمەندە اناتولي بالۋشكينگە قاتىستى سوت ءىسى باستالدى

وسكەمەن. KAZINFORM - وسكەمەن قالاسىندا «بيپەك اۆتو - ازيا اۆتو» ا ق باسشىسى بولعان اناتولي بالۋشكينگە قاتىستى سوت ءىسى باستالدى.

قالالىق №2 سوتىنىڭ ماتەريالدارىنا سۇيەنسەك، اناتولي بالۋشكينگە جانە «ازيا اۆتو» كومپانياسىنىڭ باس ديرەكتورى ەرىك ساعىمبايەۆقا قاتىستى سوت پروتسەسى باستالدى. سوتتالۋشىلار قازاقستاندا بولماعاندىقتان سوت ءىسى سىرتتاي ءوتىپ جاتىر.

اناتولي بالۋشكينگە ق ر قىلمىستىق كودەكستىڭ 190-بابى 4-بولىگىنىڭ 2-تارماعى (اسا ءىرى مولشەردەگى الاياقتىق)، 218-بابى 3 بولىگىنىڭ 3-تارماعى (قىلمىستىق جولمەن الىنعان اقشانى نەمەسە وزگە دە مۇلىكتى زاڭداستىرۋ) بويىنشا ايىپ تاعىلعان. ال ەرىك ساعىمبايەۆ ق ك- ءنىڭ 190-بابى 4-بولىگىنىڭ 2-تارماعىمەن جانە 245-بابى 3-بولىگىمەن (سالىقتان جالتارۋ) بويىنشا سوتقا تارتىلىپ جاتىر.

ادۆوكاتتار ايىپتالۋشىلاردىڭ رەسەي ازاماتتارى ەكەنىن ايتىپ، ءىستى سول ەلدىڭ قۇزىرەتتى ورگاندارىنا جىبەرۋ تۋرالى ءوتىنىش جاساعان. ال جابىرلەنۋشى تاراپ پەن پروكۋرورلار سوتتان ولاردىڭ بۇل ءوتىنىشىن قاناعاتتاندىرماۋدى وتىنگەن.

ەسكە سالا كەتسەك، 2020 -جىلى ق ر يندۋستريا جانە ينفراقۇرىلىمدىق دامۋ مينيسترلىگى «بيپەك اۆتو - ازيا اۆتو» ا ق- عا قانشاما جىل بويى مەملەكەت تاراپىنان قوماقتى قارجى بولىنگەنىمەن ونىڭ وزىنە جۇكتەلگەن مىندەتتەردى دۇرىس ورىنداماعانىن مالىمدەگەن.

وسىدان سوڭ اتالعان ا ق- نىڭ نەگىزگى اكسيونەرى جانە ديرەكتورلار كەڭەسىنىڭ ءتوراعاسى ا. م. بالۋشكيندى ق ر قىلمىستىق كودەكسىنىڭ 190-بابى 4-بولىگىنىڭ 2-تارماعىنا سايكەس، «قاماۋ» تۇرىندەگى بۇلتارتپاۋ شاراسىنا سانكسيا بەرىلگەن.

اۆتور

تالعاتجان مۇحامەتبەك ۇلى