ورتالىق ازيا-قىتاي گاز قۇبىرى 480 ميللياردتان استام تەكشە مەتر گاز تاسىمالدادى

الماتى. KAZINFORM - «ورتالىق ازيا-قىتاي» گاز قۇبىرى 15 جىل ىشىندە 482.7 ميلليارد تەكشە مەتر گاز تاسىمالداعان.

Орталық Азия - Қытай
Фото: «Азиялық Газ құбыры» ЖШС

«ازيالىق گاز قۇبىرى» ج ش س باسقارما ءتوراعاسى ەرسەيىت قايىپوۆتىڭ ايتۋىنشا، گاز قۇبىرى 5475 كۇن بويى قاۋىپسىز جۇمىس اتقارىپ كەلەدى. وسى ۋاقىت ارالىعىندا، گاز قۇبىرى قىتايعا 482.7 ميلليارد تەكشە مەتر ترانزيتتىك گاز تاسىمالداپ ۇلگەرگەن.

- گاز قۇبىرىنىڭ جىلدىق پروەكتىلىك تاسىمالداۋ قۋاتى - 55 ميلليارد تەكشە مەتر. قازىرگى ۋاقىتتا، قۇبىر جەلىسى 40 ميللياردتان استام تەكشە مەتر گاز تاسىمالداپ وتىر، - دەدى قايىپوۆ.

ايتا كەتەيىك، «ازيالىق گاز قۇبىرى» ج ش س - تەڭ ۇلەستىك نەگىزدە قۇرىلعان ورتاق كومپانيا. «QazaqGaz» ا ق (ق ر) جانە Trans-Asia Gas Pipeline Company Limited (ق ح ر) سەرىكتەستىكتىڭ قاتىسۋشىلارى سانالادى.

«قازاقستان- قىتاي» ماگيسترالدى گاز قۇبىرىنىڭ قۇرىلىسىن سالۋ» جوباسى - قازاقستان رەسپۋبليكاسىنىڭ ترانزيتتىك الەۋەتىن دامىتۋعا، سونىمەن قاتار تابيعي گاز جەتكىزىلىمدەرىن ءارتاراپتاندىرۋعا باعىتتالعان گاز سالاسىنداعى العاشقى جوبا.

بۇل جوبانى جۇزەگە اسىرۋ قازاقستان رەسپۋبليكاسىنىڭ ۇكىمەتى مەن قىتاي حالىق رەسپۋبليكاسىنىڭ ۇكىمەتى اراسىندا 2007 -جىلعى 18-تامىزدا جاسالعان «قازاقستان- قىتاي» گازقۇبىرىن سالۋداعى جانە ىسكە پايدالانۋداعى ىنتىماقتاستىق تۋرالى» كەلىسىمگە سايكەس جۇزەگە اسىرىلادى.

«قازاقستان- قىتاي» ماگيسترالدى گاز قۇبىرىنىڭ ۇزىندىعى 7,5 مىڭ ك م- ءدى قۇرايدى. ونىڭ ىشىندە تۇركمەنستان اۋماعى بويىنشا - 188 كيلومەتر، وزبەكستان اۋماعى بويىنشا - 525 كيلومەتر، قازاقستان اۋماعى بويىنشا - 1,3 مىڭ كيلومەتر جانە قىتاي اۋماعى بويىنشا 4,8 مىڭ كيلومەتر وتەتىن «تۇركمەنستان- وزبەكستان- قازاقستان- قىتاي» ترانسشەكارالىق گاز قۇبىرىنىڭ قۇرامداس بولىگى سانالادى. «تۇركمەنستان- وزبەكستان- قازاقستان- قىتاي» گاز قۇبىرى تۇركمەنستان جانە قازاقستان شەكاراسىنداعى گەدايم قالاسىندا باستالادى، ترانزيتپەن وزبەكستان رەسپۋبليكاسى جانە قازاقستان رەسپۋبليكاسى ارقىلى وتەدى جانە قورعاس س ۇ ا ا قىتاي شەكارالىق پۋنكتىندە اياقتالادى.

اۆتور

مۇحتار قاليموللا ۇلى

سوڭعى جاڭالىقتار