ورالدا قالالىق سوت ءتوراعاسى پارامەن ۇستالدى

ورال. KAZINFORM - ورالدا قالالىق سوت ءتوراعاسى رۋسلان جۇماعۇلوۆ پارا الۋ كەزىندە ۇستالدى. بۇل اقپاراتتى Kazinform اگەنتتىگىنە ءوز اقپارات كوزدەرى راستادى.

سوت توراعاسىمەن بىرگە ەكى ادۆوكات ءادىل احمۋلدين مەن نۇرجىگىت فازىلعاليەۆ تە قولعا تۇسكەن.

1,5 ميلليون تەڭگە كولەمىندەگى پارا سوتتالعان ازاماتقا قاتىستى وڭ شەشىم قابىلداۋ ءۇشىن باعىتتالعان.

ب ق و پروكۋراتۋراسىنىڭ باسپا ءسوز قىزمەتى اقپاراتتى وكىلەتتى ورگان - ۇ ق ك دەپارتامەنتى بەرەتىنىن جەتكىزدى.

ر. جۇماعۇلوۆ 2019 -جىلدان بەرى قالالىق سوت ءتوراعاسى بولىپ جۇمىس ىستەگەن.

ەسكە سالا كەتەيىك، بۇدان بۇرىن ب ق و- دا شەكارا قىزمەتى دەپارتامەنتىنىڭ ءبولىم باسشىسىنا ايىپپۇل سالىنعانىن جازعان بولاتىنبىز.

اۆتور

عايساعالي سەيتاق