ورالدا كولىكتى ماس كۇيدە ايداعان 160-تان استام جۇرگىزۋشى سوتتالدى

ورال. KAZINFORM - ورال قالاسىندا وتكەن جىلى ماس كۇيدە ۇستالعان 163 جۇرگىزۋشى سوتتالدى.

ب ق و پروكۋراتۋراسىنىڭ باسپا ءسوز قىزمەتىنەن تۇسكەن مالىمەتكە قاراعاندا، بۇل جۇرگىزۋشىلەر كولىك قۇرالىن باسقارۋ قۇقىعىنان ايىرۋ تۋرالى سوت شەشىمىنە قاراماستان، ماساڭ كۇيدە قايتادان رۋلگە وتىرعان.

مىسالى، ز. دەگەن ازامات ماساڭ كۇيىندە كولىك جۇرگىزگەنى ءۇشىن سوتتالعان. سوتتىلىق مەرزىمى وتپەسە دە، ول ماس كۇيدە كولىكتى قايتا تىزگىندەگەن.

ۇكىمگە مەملەكەتتىك ايىپتاۋشىنىڭ تاباندى ۇستانىمى جانە سوتتالۋشىنىڭ كىناسى تۋرالى سوتقا ۇسىنعان بۇلتارتپاس دالەلدەرى ىقپال ەتتى.

سوت جۇرگىزۋشىنى كىنالى دەپ تاۋىپ، 4 جىلعا باس بوستاندىعىنان ايىرۋ جازاسىن قاۋىپسىزدىگى بارىنشا جوعارى قىلمىستىق- اتقارۋ جۇيەسى مەكەمەسىندە وتەۋدى بەلگىلەدى. سونىمەن قاتار ول كولىكتى باسقارۋ قۇقىعىنان ءومىر بويىنا ايىرىلدى.

قازاقستان رەسپۋبليكاسىنىڭ زاڭناماسىندا ماس كۇيىندە كولىك جۇرگىزگەنى ءۇشىن اكىمشىلىك جازامەن قاتار قىلمىستىق جاۋاپكەرشىلىك تە قاراستىرىلعان. ق ر ق ك 346-بابىنا سايكەس ايىپتى دەپ تانىلعان ادامعا كولىك قۇرالىن باسقارۋ قۇقىعىنان ءومىر بويىنا ايىرۋمەن بىرگە 10  جىلعا دەيىن باس بوستاندىعىنان ايىرۋ جازاسى كەسىلەدى.

- وسى ورايدا قايتالاناتىن قىلمىستارعا جول بەرمەۋ ماقساتىندا ورال پروكۋراتۋراسىنىڭ باستاماسىمەن بۇرىن كولىك جۇرگىزۋ قۇقىعىنان ايىرىلعان سوتتالعانداردىڭ قاتىسۋىمەن اشىق سوت وتىرىسى دا وتكىزىلدى. وقيعالاردى تالداۋ جۇرگىزۋشىلەردىڭ زاڭسىز ارەكەتتەرى قاساقانا جاسالعانىن كورسەتتى. الدىن الۋ شارالارى مەن ەسكەرتۋلەرگە قاراماستان، مۇنداي جاعدايلار تولاستاماي تۇر، - دەپ حابارلادى ۆەدومستۆودان.

ەسكە سالا كەتەيىك، بۇدان بۇرىن ورال قالاسىندا 40 الكوماركەتتىڭ 15- ءى ليتسەنزياسىنان ايىرىلعانىن جازعان بولاتىنبىز.

عايساعالي سەيتاق
اۆتور