08:38, 17 - ماۋسىم 2024 | GMT +5
ورالدا بازاردا مال سوياتىن ورىندا گاز باللونى جارىلدى
ورال. KAZINFORM - ورال قالاسىندا «ەل ىرىسى» بازارىندا گاز باللونى جارىلدى.

ب ق و ت ج دەپارتامەنتىنىڭ باسپا ءسوز قىزمەتىنەن ءمالىم ەتكەنىندەي، وقيعا 16-ماۋسىم كۇنى ساعات 10.00-دەن كەتە مال سويۋعا ارنالعان ورىندا بولدى.
«الدىن الا مالىمەت بويىنشا بارلىعى 10 ادام زارداپ شەكسە، سونىڭ ەكەۋى - كامەلەتكە تولماعاندار. ەكى ادام دارىگەرلەر قاراعاننان كەيىن ۇيلەرىنە جىبەرىلدى. گاز باللونىن دۇرىس قولدانباۋ وسىنداي وقىس وقيعالارعا ءجيى سوقتىرۋدا. ت ج دەپارتامەنتىنىڭ قىزمەتكەرلەرى مۇنىڭ الدىندا قاۋىپسىزدىك بويىنشا رەيد تە جۇرگىزگەن»، - دەپ حابارلادى ۆەدومستۆودان.
قازىرگى كەزدە وقيعانىڭ جاي-جاپسارى مەن سەبەپ-سالدارى انىقتالۋ ۇستىندە.
ەسكە سالا كەتەيىك، بۇدان بۇرىن ورالدا قۇرباندىق مال شالىناتىن ورىندار باقىلاۋدا بولاتىنىن جازعان ەدىك.
اۆتور
عايساعالي سەيتاق