ورال بازارىنداعى جارىلىس: جانساقتاۋ بولىمىندە جاتقاندار سانى 4 ادامعا جەتتى

ورال. KAZINFORM - «ەل ىرىسى» بازارىندا مال سويۋعا ارنالعان ورىندا گاز باللونىنىڭ جارىلۋى سالدارىنان جانساقتاۋ بولىمىندە جاتقاندار سانى 4 ادامعا جەتتى.

Оралда көпқабатты үйдің терезесінен құлап кеткен 11 жастағы бала жансақтау бөлімінде жатыр
Фото: pexels.com

ب ق و دەنساۋلىق ساقتاۋ باسقارماسىنىڭ باسپا ءسوز قىزمەتىنەن ناقتىلاعانىنداي، قازىرگى كەزدە دەنەسىن كۇيىك شالعان 3 ەر ادام قالالىق كوپبەيىندى اۋرۋحانانىڭ جانساقتاۋ بولىمشەسىندە ەم الىپ جاتىر.

«تاعى 4 ەر ادام پوليتراۆما بولىمشەسىندە. سونىڭ ىشىندە بۇدان بۇرىن اۋرۋحاناعا جاتۋدان باس تارتقان ءبىر ادام قايتىپ كەلدى. سونىمەن قاتار وبلىستىق كوپبەيىندى بالالار اۋرۋحاناسىنا جەتكىزىلگەن جاسوسپىرىمنىڭ بىرەۋى جانساقتاۋ بولىمىندە. ەكىنشىسى پوليتراۆما بولىمشەسىندە. وبلىستىڭ شتاتتان تىس باس تراۆماتولوگى جانە اتالعان اۋرۋحانالار باسشىلارىنىڭ قاتىسۋىمەن ارنايى كونسيليۋم وتكىزىلدى. سونداي-اق استانا جانە الماتى قالالارى اپاتتار مەديتسيناسى ورتالىعى رەانيماتولوگتارىمەن جانە كومبۋستيولوگتارىمەن بىرلەسكەن تەلەمەديتسينا جۇرگىزىلدى. ەمدەۋ تاكتيكاسى كەلىسىلدى»، - دەپ حابارلادى ۆەدومستۆودان.

ەسكە سالا كەتەيىك، بۇدان بۇرىن ورالدا مال سوياتىن ورىندا گاز باللونى جارىلعانىن جازعان بولاتىنبىز. سونداي- اق ورالدا بازارداعى جارىلىس سالدارىنان ءبىر ادام جانساقتاۋ بولىمىندە جاتىر.

اۆتور

مارلان جيەمباي

سوڭعى جاڭالىقتار