وقۋ-جاتتىعۋلار: قازاقستاننان رەسەيگە اسكەري تەحنيكا تەمىرجول ارقىلى تاسىمالدانادى
استانا. قازاقپارات - 24 -قىركۇيەك - 3 -قازان ارالىعىندا رەسەي فەدەراتسياسىنىڭ اۋماعىندا ۇجىمدىق قاۋىپسىزدىك تۋرالى شارت ۇيىمىنىڭ (ۇ ق ش ۇ) «ءوزارا ءىس- قيمىل - 2026»، «ىزدەۋ-2026» جانە «ەشەلون-2026» وقۋ-جاتتىعۋلارىن وتكىزۋى جوسپارلانعان.
وقۋ-جاتتىعۋلارعا دايىندىق جانە ونى وتكىزۋ كەزەڭىندە، 21 -قىركۇيەك - 5 -زان ارالىعىندا قازاقستان رەسپۋبليكاسى اۋماعىنان ميسياش ستانساسىنا دەيىن (چەليابى وبلىسى، رەسەي) جانە كەرى قاراي تەمىرجول كولىگىمەن اسكەري تەحنيكا مەن جەكە قۇرامنىڭ جوسپارلى قوزعالىسى جۇزەگە اسىرىلادى.
وقۋ-جاتتىعۋلار بارىسىندا دالالىق ساباقتار وتكىزىلىپ، ونىڭ اياسىندا شەرۋ دايىندىعى، بولىمشەلەردى باسقارۋ جانە قويىلعان مىندەتتەردى ورىنداۋ پىسىقتالادى.
ءىس-شارالار ۇ ق ش ۇ- عا مۇشە مەملەكەتتەردىڭ جاۋىنگەرلىك دايارلىق بويىنشا بەكىتىلگەن جوسپارلارىنا سايكەس جۇرگىزىلەدى.
«ءوزارا ءىس- قيمىل - 2026»، «ىزدەۋ-2026» جانە «ەشەلون-2026» وقۋ-جاتتىعۋلارى تۇراقتى نەگىزدە ۇيىمعا مۇشە مەملەكەتتەردىڭ اۋماعىندا كەزەكپەن وتەدى.
— ازاماتتاردان، بۇقارالىق اقپارات قۇرالدارىنىڭ وكىلدەرىنەن جانە الەۋمەتتىك جەلى پايدالانۋشىلارىنان تەكسەرىلمەگەن اقپاراتتى تاراتپاۋدى جانە رەسمي دەرەككوزدەردە جاريالانعان مالىمەتتەرگە عانا نازارعا الۋدى سۇرايمىز.
جالعان اقپاراتتى تاراتۋ جانە شىندىققا سايكەس كەلمەيتىن مالىمەتتەردى جاريالاۋ قازاقستان رەسپۋبليكاسىنىڭ زاڭناماسىنا سايكەس جاۋاپكەرشىلىككە اكەپ سوعاتىنىن ەسكە سالامىز، — دەلىنگەن قورعانىس مينيسترلىگىنىڭ حابارلاماسىندا.
ايتا كەتەلىك ۇ ق ش ۇ سىرتقى ىستەر مينيسترلەرى قازان قالاسىندا باس قوساتىنى تۋرالى جازعان ەدىك.
