ونەركاسىپ ءمينيسترى قانداي قىزمەتتىك كولىكپەن جۇرەدى
استانا. KAZINFORM - ونەركاسىپ جانە قۇرىلىس ءمينيسترى قانات شارلاپايەۆ قىزمەتتىك كولىگىنىڭ ماركاسىن اتادى.
«كولىكتى ءوزىمىز تاڭدامايمىز. ولاردى بىزگە ۇسىنادى. ءبىر كەزدەرى قازاقستاندا قۇراستىرىلعان ELANTRA كولىگىمەن ءجۇردىم، جۇمىس ماشينام بولدى. كوڭىلىمنەن شىقتى. ماشينانى پرەزيدەنت ءىس باسقارماسى ۇسىنادى. مەن КІАكولىگىمەن جۇرەمىن. وعان مۇلدەم ۇيالمايمىن. ماسەلە ءسال باسقادا. ۇزاق جىلعى تاجىريبەگە وراي ۇكىمەت مۇشەلەرى ماشينانى وزدەرى تاڭدامايدى»، - دەدى مينيستر ۇكىمەت وتىرىسىنان كەيىنگى باسپا ءسوز ءماسليحاتىندا.
سونىمەن قاتار ول «بايتەرەك» حولدينگىندە جۇمىس ىستەگەن كەزىندە ۇلكەن مەرسەدەس كولىگىمەن جۇرگەنىن، كەيىن ونى وتاندىق كولىككە اۋىستىرعانىن ايتتى.
ايتا كەتەيىك، ەلىمىز 2025 -جىلعا قاراي جەڭىل اۆتوموبيل ءوندىرىسىن 160 مىڭعا جەتكىزۋدى جوسپارلاپ وتىر.
اۆتور
مارلان جيەمباي
