گونكونگتا قارا دومبىرا كۇمبىرلەپ، جۇرت «قارا جورعا» بيلەدى

Шанхай, Китай, КНР
Фото: агентство Kazinform

استانا. قازاقپارات - قازاقتىڭ قارا دومبىراسى الەمدەگى ەڭ ءىرى شاھاردىڭ ءبىرى گونكونگتا كۇمبىرلەدى. قازاقستاندىق ونەرپازدار ناۋرىز مەرەكەسى قارساڭىندا ۇلتتىق كيىم كيىپ تۋريستەر كوپ جينالاتىن جاعالاۋمەن ءجۇرىپ ءوتتى. اشىق اسپان استىندا ونەرلەرىن پاش ەتتى.

بۇگىن ناۋرىزناما بويىنشا ۇلتتىق كيىم كۇنى. وسىعان بايلانىستى گونكونگتا ەرەكشە ءىس-شارا ۇيىمداستىرىلدى. باس كونسۋلدىق قىزمەتكەرلەرى مەن گوسترولدىق ساپاردا جۇرگەن ونەرپازدار ويۋ-ورنەكپەن ارلەنىپ، ارنايى ۇلتتىق ناقىشتا تىگىلگەن كيىمدەردى كيىپ شاھاردىڭ ورتالىعىنا شىقتى.

سيم شا سۋي جۇلدىزدار اللەياسى بۇل قالاداعى تۇرعىندار مەن تۋريستەر ەڭ كوپ جينالاتىن جاعالاۋ. الدىمەن الاتاۋ ءداستۇرلى ونەر تەاترىنىڭ ۇجىمى حالىق اندەرىن ۇزدىكسىز ورىنداپ جاعالاۋدىڭ بويىمەن ءجۇرىپ ءوتتى. قۇندىز بورىك، ويۋلى تاقيا، ۇلتتىق كويلەك پەن شاپان كيىپ، قولدارىنا قوس ىشەكتى دومبىرا ۇستاعان قازاقتار تۋريستەر مەن جەرگىلىكتى تۇرعىنداردى تاڭ قالدىرعانى انىق. ولاردىڭ قىزىعۋشىلىعى ونەرپازداردى شابىتتاندىرا ءتۇستى. ءان مەن كۇي بيمەن جالعاسىپ گونكونگ جۇرتى قارا جورعانى بيلەدى. ءتىپتى ءتانتى بولعاندارى سونشالىق ونەرپازدارمەن سۋرەتكە تۇسۋگە كەزەككە تۇردى. قولتاڭبا الىپ جاتقاندار دا بولدى.

ءىس-شارا ۇلتتىق مەرەكەمىزدى ۇلىقتاپ قازاق حالقىنىڭ مادەنيەتىن شەتەلدىكتەرگە تانىستىرۋعا باعىتتالعان. جىل باسى ناۋرىز مەرەكەسىنە دەيىن كونسەرت، سالت-ءداستۇر، تەاتر قويىلىمدارى، ۇلتتىق ويىندار كورسەتۋ جوسپاردا.

الماس سەيتاقىنوۆ، ق ر ق ح ر گونكونگ جانە ماكاو ا ءا ا باس كونسۋلى:

- 2024 -جىل قازاقستاننىڭ قىتايداعى تۋريزم جىلى بولىپ جاريالانۋىنا وراي باس كونسۋلدىقپەن وسى جىلى ءبىرقاتار ءىس-شارالار ۇيىمداستىرىلدى. بۇل ءىس- شارالار قازاقستان مەن گونكونگتىڭ قارىم-قاتىناسىن نىعايتۋعا جانە ەلىمىزدىڭ يميدجىن كوتەرۋگە ءوز ۇلەسىن قوساتىنىن ءسوزسىز.

مىنە وسىلايشا ۇلىستىڭ ۇلى كۇنى قارساڭىنداعى كوڭىل-كۇيدى گونكونگ جۇرتى دا سەزىندى. ەرەكشە اسەر العان كەيبىر تۇرعىندار قازاقستاندى كورگىسى كەلەتىندەرىن جاسىرمادى. تەڭىز تامشىدان قۇرالادى. وسىنداي ءىس-شارالار ەلىمىزگە ونداعان تۋريستتىڭ كەلۋىنە ىقپال ەتسە، ءبىز ءۇشىن ول دا ولجا.

www.24.kz

سوڭعى جاڭالىقتار