وليمپيادا ويىندارىن وتكىزۋگە ءوتىنىم قابىلداۋ اياقتالدى
استانا. KAZINFORM - گەرمانيا، ۆەنگريا، ءۇندىستان، قاتار، وڭتۇستىك كورەيا، وڭتۇستىك افريكا رەسپۋبليكاسى جانە تۇركيا 2036 -جىلعى وليمپيادا ويىندارىن وتكىزۋگە نيەتتى. بۇل تۋرالى حالىقارالىق وليمپيادا كوميتەتى (ح و ك) كۇنى مالىمدەدى، دەپ حابارلايدى Xinhua.
ەلدەر ءتىزىمى 6 -قازاندا جاريالانعان العاشقى مالىمدەمەمەن سالىستىرعاندا وزگەرمەگەن. 31-قازاندا اياقتالعان ءوتىنىم قابىلداۋ مەرزىمىنە دەيىن باسقا بىردە-ءبىر ەلدىڭ ۇلتتىق وليمپيادا كوميتەتى قىزىعۋشىلىق بىلدىرمەدى.
— بۇل - «بولاشاققا دايىندىق» باعدارلاماسى اياسىندا ەنگىزىلگەن وزگەرىستەرگە سايكەس تاڭدالاتىن العاشقى وليمپيادا ويىندارى، - دەدى ح و ك مۇشەسى ءارى وليمپيادانى وتكىزۋگە لايىقتى قالانى تاڭداۋ جونىندەگى كوميسسيا ءتورايىمى كوليندا گرابار- كيتاروۆيچ.
ونىڭ ايتۋىنشا، 2036 -جىلعى وليمپيادانى وتكىزۋگە كوپتەگەن ەلدىڭ قىزىعۋشىلىق تانىتۋى الەم مەملەكەتتەرىنىڭ بۇل ويىنداردىڭ جەرگىلىكتى قوعامداستىق ءۇشىن الەۋمەتتىك جانە ەكونوميكالىق ماڭىزىن مويىندايتىنىن كورسەتەدى.
گرابار-كيتاروۆيچ ح و ك الداعى ۋاقىتتا وليمپيادانى وتكىزۋ جونىندەگى ۇسىنىستارىن ازىرلەۋ بارىسىندا اتالعان 7 تاراپپەن دە ىنتىماقتاستىقتى جالعاستىراتىنىن ايتتى.
ايتا كەتەيىك، 2032 -جىلعى وليمپيادا جانە پاراليمپيادا ويىندارىنىڭ رەسمي ەمبلەماسى تانىستىرىلدى.
