پوليتسەيلەر ينتەرنەت الاياقتار ءجيى قولداناتىن تاسىلدەردى جاريا ەتتى

Интернет алаяқтық
فوتو: ۆيكتور فەديۋنين/kazinform

پەتروپاۆل. KAZINFORM - سولتۇستىك قازاقستان وبلىسىندا جىل باسىنان بەرى ينتەرنەت الاياقتىقتىڭ 254 دەرەگى تىركەلگەن. الدىن الۋ ءۇشىن اۋقىمدى جۇمىس اتقارىلعانىمەن، بۇل بىلتىرعى دەڭگەيمەن شامالاس.

س ق و پوليتسيا دەپارتامەنتى كريمينالدى پوليتسيا باسقارماسىنىڭ اسا ماڭىزدى ىستەر بويىنشا اعا جەدەل ۋاكىلى ۆيتالي پودچەرنين وڭىرلىك كوومۋنيكاتسيالار قىزمەتىندە وتكەن بريفينگتە وڭىردەگى ينتەرنەت الاياقتىق بويىنشا احۋالعا توقتالدى.

سونداي-اق س ق و تۇرعىندارى ءجيى ۇرىناتىن ءبىرقاتار تانىمال الاياقتىق سحەمالارعا توقتالدى.

«كۇماندى قارجىلىق جوبالارعا قاتىسۋ. الاياقتار تانىمال الەۋمەتتىك جەلىلەردە جارناما ورنالاستىرىپ، ديۆيدەند تولەيتىندىگى تۋرالى اقپارات جاريالايدى، بەلگىلى ادامدارمەن بەينەجازبالار ورنالاستىرادى.

ماسەلەن پەتروپاۆلدىڭ 38 جاستاعى تۇرعىنى ناۋرىز ايىندا YouTube بەينە حوستينگىندە ينۆەستيسيا سالۋدى ۇسىناتىن جارنامانى كوردى، سىلتەمە بويىنشا ول ساۋالنامانى تولتىردى. سودان كەيىن الەۋمەتتىك جەلىدە بايلانىسىپ، باستاپقى ساۋدا- ساتتىق ءۇشىن 990000 تەڭگە تولەۋ قاجەتتىگىن ايتقان. جابىرلەنۋشى اتالعان سومانى ەنگىزىپ، اقشاسىنىڭ وسكەنىن كورىپ، ونىڭ ءبىر بولىگىن العىسى كەلگەن، ءبىراق الا الماعان. ال حابارلاسقان ادام ونى بۇعاتتاپ تاستاعان. وسىدان كەيىن عانا ەر ادام الاياقتاردىڭ قۇربانى بولعانىن بىلگەن»، - دەيدى ۆيتالي پودچەرنين.

تاعى ءبىر كەڭ تاراعان ءتاسىل - بانك قىزمەتكەرىنىڭ جالعان قوڭىراۋى. الاياقتار كەيدە پوليتسيا، ۇلتتىق قاۋىپسىزدىك كوميتەتى قىزمەتكەرى بولىپ حابارلاسادى. ادامدى باسقا شوتقا اقشا اۋدارۋعا ءماجبۇر ەتەدى. سونداي-اق جابىرلەنۋشىنىڭ موبيلدى قۇرىلعىسىن قاشىقتان باسقارۋعا مۇمكىندىك بەرەتىن رۋدەسك، حوپتۋدەسك، رەندەسك، تايمفيۋەر، ت. ب. باعدارلامالاردى ورناتۋعا كوندىرەدى.

«وبلىستىڭ 57 جاستاعى تۇرعىنىنا ءساۋىر ايىندا بەلگىسىز قىز قوڭىراۋ شالىپ، ءوزىن ۇيالى بايلانىس وپەراتورى رەتىندە تانىستىرعان، SIM كارتاسى ەسكىرگەنىن ءتۇسىندىرىپ، ونى اۋىستىرۋدى ۇسىنعان. وسىدان كەيىن جابىرلەنۋشىگە ۇيالى تەلەفونعا 4 تاڭبالى كود ءتۇسىپ، ول ونى بەيتانىسقا حابارلاعان. ءبىرازدان كەيىن ايەلگە باسقالار حابارلاسىپ، وزدەرىن بانكتىڭ قاۋىپسىزدىك قىزمەتكەرى رەتىندە تانىستىرادى جانە الاياقتار وعان نەسيە راسىمدەگەنىن ايتقان. ونى جويۋ ءۇشىن «حوپ تۋ دەسك» باعدارلاماسىن جۇكتەۋ قاجەت دەگەن. ايەل بانك بولىمشەسىندە عانا الاياقتاردىڭ ونىڭ اتىنا 500000 تەڭگە نەسيە راسىمدەگەنىن ءبىلدى»، - دەيدى پوليتسيا قىزمەتكەرى.

ماماننىڭ ايتۋىنشا، الاياقتار ءجيى قولداناتىن ءتاسىلدىڭ ءبىرى - كونكۋرستا داۋىس بەرۋ تۋرالى حابارلاما. مۇندايدا ۇيالى تەلەفونعا كونكۋرستا داۋىس بەرۋدى سۇرايتىن سىلتەمە كەلەدى. فيشينگتىك سىلتەمەگە ءوتۋ ارقىلى ءسىز كونتاكتىلەرگە كىرۋگە رۇقسات بەرەسىز. كەيىن ءسىزدىڭ اتىڭىزدان الاياقتار كونتاكتىلەرىڭىزگە اقشا سۇراپ وتىنىشپەن حابارلاسادى.

«قازىرگى جاعدايعا بايلانىستى الاياقتار مەملەكەتتىك ورگانداردىڭ اتىنان قوڭىراۋ شالىپ، سۋ تاسقىنىنان زارداپ شەككەندەردىڭ ءتىزىمىن راستاۋ ءۇشىن SMS-حابارلاما جىبەرۋدى سۇرايدى ەكەن. وسى سحەما بويىنشا س ق و اۋماعىندا زارداپ شەككەندەر تىركەلگەن جوق. ءبىراق مەن ازاماتتاردى وتەماقى ماسەلەلەرىن تەك بارىپ نەمەسە رەسمي ۆەب-رەسۋرستار ارقىلى عانا شەشۋگە بولاتىنىن ەسكەرتكىم كەلەدى. SMS- پەن كەلگەن كودتى ەشكىمگە بەرمەۋىڭىز كەرەك، تەك رەسمي اقپارات كوزدەرىنە سەنىڭىز»، - دەيدى ۆيتالي پودچەرنين.

اۆتور

اقەركە داۋرەنبەك قىزى

سوڭعى جاڭالىقتار