پوليتسيا قىزمەتكەرلەرىنىڭ جەكەلەگەن ساناتتارى كەزەكتەن تىس اتتەستاتتاۋدان وتەدى

استانا. قازاقپارات - 2024-جىلعى 31-جەلتوقسانعا دەيىن ىشكى ىستەر ورگاندارى قىزمەتكەرلەرىنىڭ جەكەلەگەن ساناتتارى كەزەكتەن تىس اتتەستاتتاۋدان وتەدى. پرەزيدەنت جارلىعىنىڭ جوباسى اشىق نورماتيۆتىك-قۇقىقتىق اكتىلەر پورتالىندا جاريالاندى.

اتتەستاتتاۋدى وتكىزۋ ءۇشىن دەنە شىنىقتىرۋ، اتىس دايارلىعى بويىنشا نورماتيۆتەردى تاپسىرۋ، قازاقستان رەسپۋبليكاسىنىڭ زاڭناماسىن بىلۋگە كومپيۋتەرلىك تەستىلەۋ جانە لوگيكالىق ويلاۋ قابىلەتى، IQ جانە باسقارۋشىلىق قۇزىرەتى دەڭگەيىن انىقتاۋ، سونداي-اق اڭگىمەلەسۋدى وتكىزۋ كەستەلەرىن ىشكى ىستەر ءمينيسترى نەمەسە ونىڭ ورىنباسارلارى بەكىتەدى.

اڭگىمەلەسۋ قورىتىندىسى بويىنشا ءتيىستى اتتەستاتتاۋ كوميسسياسى مىناداي شەشىمدەردىڭ ءبىرىن قابىلدايدى:

- اتقاراتىن لاۋازىمىنا سايكەس كەلەدى جانە كادر رەزەرۆىنە قابىلداۋ ءۇشىن نەمەسە جوعارى تۇرعان لاۋازىمعا جىلجىتۋ ءۇشىن ۇسىنىلادى؛

- اتقاراتىن لاۋازىمىنا سايكەس كەلەدى؛

- اتقاراتىن لاۋازىمىنا سايكەس كەلمەيدى جانە لاۋازىمىن تومەندەتۋگە ۇسىنىلادى؛

- اتقاراتىن لاۋازىمىنا سايكەس كەلمەيدى جانە باسقا قىزمەتكە (لاۋازىمعا) اۋىسۋ ۇسىنىلادى؛

- اتقاراتىن لاۋازىمىنا سايكەس كەلمەيدى جانە ىشكى ىستەر ورگاندارىنان بوساتۋ ۇسىنىلادى.

ورتالىق اتتەستاتتاۋ كوميسسياسى تومەندەگى ىشكى ىستەر ورگاندارىنىڭ لاۋازىم يەلەرىن كەزەكتەن تىس اتتەستاتتاۋدان وتكىزەدى:

1. وزىندىك قاۋىپسىزدىك دەپارتامەنتىنىڭ، قىلمىستىق-اتقارۋ جۇيەسى كوميتەتى وزىندىك قاۋىپسىزدىك باسقارماسىنىڭ، اۋماقتىق پوليتسيا دەپارتامەنتتەرى، كولىكتەگى پوليتسيا دەپارتامەنتى جانە قىلمىستىق-اتقارۋ جۇيەسى دەپارتامەنتتەرى وزىندىك قاۋىپسىزدىك بولىنىستەرىنىڭ ورتا، اعا جانە جوعارى باسشى قۇرامىنىڭ بارلىق لاۋازىمدارى؛

2. قىلمىستىق-اتقارۋ جۇيەسى كوميتەتىنىڭ باسقارما باستىقتارى، باسقارما باستىقتارىنىڭ ورىنباسارلارى، دەربەس بولىمدەر باستىقتارى؛

3. اۋماقتىق پوليتسيا دەپارتامەنتتەرى مەن كولىكتەگى پوليتسيا دەپارتامەنتى باستىقتارىنىڭ ءبىرىنشى ورىنباسارلارى مەن ورىنباسارلارى؛

4. ءى ءى م- ءنىڭ بايقوڭىر قالاسىنداعى وكىلدىگىنىڭ باستىعى جانە باستىعىنىڭ ورىنباسارلارى؛

5. قىلمىستىق -اتقارۋ جۇيەسىنىڭ اۋماقتىق دەپارتامەنتتەرى باستىقتارىنىڭ ورىنباسارلارى؛

6. اۋماقتىق پوليتسيا دەپارتامەنتتەرى مەن كولىكتەگى پوليتسيا دەپارتامەنتى اپپاراتى باسقارمالارىنىڭ، دەربەس بولىمدەرى مەن بولىمشەلەرىنىڭ باستىقتارى؛

7. قىلمىستىق-اتقارۋ جۇيەسىنىڭ اۋماقتىق دەپارتامەنتتەرى اپپاراتتارى بولىمدەرىنىڭ باستىقتارى؛

8. اۋماقتىق پوليتسيا دەپارتامەنتتەرىنىڭ پوليتسيا باسقارمالارى مەن بولىمدەرىنىڭ، كولىكتەگى پوليتسيا دەپارتامەنتىنىڭ جەلىلىك باسقارمالارى مەن پوليتسيا بولىمدەرىنىڭ باستىقتارى؛

9. قىلمىستىق-اتقارۋ جۇيەسى مەكەمەلەرىنىڭ باستىقتارى؛

10. مامانداندىرىلعان كۇزەت قىزمەتى باسقارماسى (استانا ق.)، ديپلوماتيالىق وكىلدىكتەردى، ۇكىمەتتىك مەكەمەلەردى كۇزەتۋ جونىندەگى، وبلىستار مەن قالالاردىڭ مامانداندىرىلعان كۇزەت قىزمەتى باسقارمالارىنىڭ باستىقتارى؛

11. كينولوگيالىق ورتالىقتىڭ، اۆتوكولىككە قىزمەت كورسەتۋ مەكەمەسىنىڭ، «وڭتۇستىك» جانە «سولتۇستىك» اسكەري جانە ارنايى جابدىقتاۋ بازالارىنىڭ باستىقتارى.

وڭىرلىك اتتەستاتتاۋ كوميسسياسى تومەندەگى ىشكى ىستەر ورگاندارىنىڭ لاۋازىم يەلەرىن كەزەكتەن تىس اتتەستاتتاۋدان وتكىزەدى:

1. اۋماقتىق پوليتسيا دەپارتامەنتتەرى جانە كولىكتەگى پوليتسيا دەپارتامەنتى اپپاراتى باسقارما باستىقتارىنىڭ ورىنباسارلارى؛

2. ءى ءى م بايقوڭىر قالاسىنداعى وكىلدىگىنىڭ ءبولىم جانە بولىمشە باستىقتارى، ءبولىم باستىقتارىنىڭ ورىنباسارلارى؛

3. مامانداندىرىلعان كۇزەت قىزمەتى باسقارماسى (استانا ق.)، وبلىستىق، قالالىق، ديپلوماتيالىق وكىلدىكتەردى جانە ۇكىمەتتىك مەكەمەلەردى كۇزەتۋ جونىندەگى مامانداندىرىلعان كۇزەت قىزمەتى باسقارمالارى باستىقتارىنىڭ ورىنباسارلارى؛

4. كينولوگيالىق ورتالىق، اۆتوكولىككە قىزمەت كورسەتۋ باسقارماسى، «وڭتۇستىك» جانە «سولتۇستىك» اسكەري جانە ارنايى جابدىقتاۋ بازالارى باستىقتارىنىڭ ورىنباسارلارى؛

5. اۋماقتىق پوليتسيا دەپارتامەنتتەرى جانە كولىكتەگى پوليتسيا دەپارتامەنتىنىڭ قاراماعىنداعى بولىنىستەرى باسقارمالارىنىڭ، بولىمدەرىنىڭ باستىقتارى جانە باستىقتارىنىڭ ورىنباسارلارى؛

6. اۋماقتىق پوليتسيا دەپارتامەنتتەرى جانە كولىكتەگى پوليتسيا دەپارتامەنتىنىڭ پولك، باتالون جانە روتا كومانديرلەرى جانە ورىنباسارلارى؛

7. اۋماقتىق پوليتسيا دەپارتامەنتتەرىنىڭ جىلدام قيمىلدايتىن ارنايى جاساقتارىنىڭ كومانديرلەرى جانە ورىنباسارلارى؛

8. اۋماقتىق پوليتسيا دەپارتامەنتتەرىنىڭ ارنايى ماقساتتاعى بولىنىستەرىنىڭ كومانديرلەرى جانە ورىنباسارلارى؛

9. اۋماقتىق قىلمىستىق-اتقارۋ جۇيەسى دەپارتامەنتتەرى اپپاراتىنىڭ ءبولىم باستىقتارىنىڭ ورىنباسارلارى، بولىمشە باستىقتارى؛

10. اۋماقتىق پوليتسيا دەپارتامەنتتەرىنىڭ ءبولىم باستىقتارى جانە باسقارما، كولىكتەگى پوليتسيا دەپارتامەنتىنىڭ جەلىلىك باسقارما جانە ءبولىم باستىقتارىنىڭ ورىنباسارلارى؛

11. اۋماقتىق قىلمىستىق-اتقارۋ جۇيەسى دەپارتامەنتتەرى پروباتسيا قىزمەتتەرى بولىمدەرىنىڭ باستىقتارى؛

12. كولىكتەگى پوليتسيا دەپارتامەنتى جەلىلىك پوليتسيا بولىمشەلەرىنىڭ باستىقتارى؛

13. اۋماقتىق پوليتسيا دەپارتامەنتتەرىنىڭ پوليتسيا باسقارمالارىنىڭ جانىنداعى پوليتسيا بولىمدەرىنىڭ باستىقتارى جانە باستىقتارىنىڭ ورىنباسارلارى؛

14. قىلمىستىق-اتقارۋ جۇيەسى مەكەمەلەرى باستىقتارىنىڭ ورىنباسارلارى؛

15. مامانداندىرىلعان كۇزەت قىزمەتى باسقارماسى (استانا ق.)، وبلىستىق، قالالىق، ديپلوماتيالىق وكىلدىكتەردى جانە ۇكىمەتتىك مەكەمەلەردى كۇزەتۋ جونىندەگى مامانداندىرىلعان كۇزەت قىزمەتى باسقارماسىنىڭ ءبولىم باستىقتارى؛

16. اۋماقتىق پوليتسيا دەپارتامەنتتەرى جانە كولىكتەگى پوليتسيا دەپارتامەنتى جەلىلىك پوليتسيا باسقارمالارىنىڭ ءبولىم باستىقتارى؛

17. وبلىستىق، قالالىق، ديپلوماتيالىق وكىلدىكتەردى جانە ۇكىمەتتىك مەكەمەلەردى كۇزەتۋ جونىندەگى مامانداندىرىلعان كۇزەت قىزمەتى باسقارماسى باتالوندارىنىڭ كومانديرلەرى جانە كومانديرلەردىڭ ورىنباسارلارى، روتا كومانديرلەرى.

جارلىق جوباسى 7-اقپانعا دەيىن جاريا تالقىلاۋعا شىعارىلىپ وتىر.

اۆتور

مارلان جيەمباي