وليمپيادانىڭ كۇمىس جۇلدەگەرى دەمەۋ جادىرايەۆ ەلگە ورالدى
الماتى. KAZINFORM - پاريج وليمپياداسىنا قاتىسقان ۇلتتىق قۇراما سپورتشىلارىنىڭ تاعى ءبىر لەگى ەلگە ورالدى. ولاردىڭ اراسىندا ەل قورجىنىن كۇمىس مەدالمەن تولىقتىرعان دەمەۋ جادىرايەۆ تا بار.
دەمەۋ جادىرايەۆتى الماتى اۋەجايىندا الماتى وبلىسى اكىمدىگى، جاقىندارى مەن جانكۇيەرلەرى، جۋرناليستەر، قورعانىس مينيسترلىگىنە قاراستى ورتالىق سپورت كلۋبىنىڭ وكىلدەرى ءسان-سالتاناتپەن قارسى الدى.
ايتا كەتەيىك، ول العاشقى جەكپە-جەگىندە ەكۆادورلىق دجەير كۋەرومەن بەلدەستى.
ايتا كەتەيىك، ول العاشقى جەكپە-جەگىندە ەكۆادورلىق دجەير كۋەرومەن بەلدەستى. اسا تارتىستى وتكەن جارىستا دەمەۋ جادىرايەۆ 8:0 ەسەبىمەن جەڭىسكە جەتتى.
شيرەك فينالدا ەكى دۇركىن الەم چەمپيونى، توكيو ويىندارىنىڭ كۇمىس جۇلدەگەرى قىرعىزستاندىق اقجول ماحمۋدوۆتان 3:1 ەسەبىمەن باسىم ءتۇستى.
ال جارتىلاي فينالدا ازەربايجان جىگىتى سانان سۋلەيمانوۆتى 6:1 ەسەبىمەن جەڭدى.
فينالىندا وتانداسىمىز 77 كەلى سالماقتا قارسىلاسى جاپونيالىق ناو كۋساكادان جەڭىلىپ، كۇمىس جۇلدەنى قاناعات تۇتتى.
دەمەۋ جادىرايەۆ بيىل 34 جاستا.
