وليگارحتاردان تاركىلەنگەن ارتەفاكتىلەر ۇلتتىق مۋزەيگە بەرىلمەك
استانا. KAZINFORM - قايتارىلعان اكتيۆتەردى باسقارۋ كومپانياسىنىڭ بالانسىندا 10 ارتەفاكت بار. الداعى ۋاقىتتا ولار ەلىمىزدىڭ ۇلتتىق مۋزەيىنە بەرىلۋى مۇمكىن.
- بۇگىندە باسقارۋشى كومپانيانىڭ بالانسىندا تاريحي جانە مادەني قۇندىلىعى بولۋى ىقتيمال ارتەفاكتىلەر (10 اتاۋ) بار. بۇيىمداردىڭ نارىقتىق باعاسىن انىقتاۋ مۇمكىن ەمەس، - دەدى قايتارىلعان اكتيۆتەردى باسقارۋ كومپانياسىنان.
قازىرگى ۋاقىتتا مادەنيەت جانە اقپارات مينيسترلىگىنىڭ مادەنيەت كوميتەتىنە قاراستى «قازاقستان رەسپۋبليكاسىنىڭ ۇلتتىق مۋزەيى» ر م ك ك اتالعان بۇيىمدارعا قىزىعۋشىلىق تانىتىپ وتىر. ءتىپتى، مۋزەي قىزمەتكەرلەرى كومپانياعا كەلىپ، بۇيىمداردى كورىپ، زەرتحانالىق ساراپتاما جاساعان. وسىدان كەيىن باسقارۋشى كومپانياعا اتالعان بۇيىمداردى تۇراقتى ساقتاۋ، تەرەڭ عىلىمي زەرتتەۋ جۇرگىزۋ ءۇشىن مۋزەي قورىنا تاپسىرۋ تۋرالى وتىنىشپەن جۇگىنگەن.
- وسىعان وراي باسقارۋشى كومپانيا ولاردى مۇنان ارى ۇلتتىق مۋزەيگە تابىستاۋ ماقساتىندا قارجى مينيسترلىگىنىڭ مەملەكەتتىك مۇلىك جانە جەكەشەلەندىرۋ كوميتەتىنە بەرۋ ماسەلەسىن قاراستىرادى، - دەدى باسقارۋشى كومپانيادان.
مارلان جيەمباي
اۆتور
