گەولوگيا جانە جەر قويناۋىن قورعاۋ مينيسترلىگىن قۇرۋ شىعىندى ءارى مەملەكەتتىك قىزمەتشىلەر سانىن ارتتىرادى - ولجاس بەكتەنوۆ
استانا. KAZINFORM - گەولوگيا جانە جەر قويناۋىن قورعاۋ مينيسترلىگىن قۇرۋ شىعىندى ءارى مەملەكەتتىك قىزمەتشىلەر سانىن ارتتىرادى. بۇل تۋرالى ءماجىلىس دەپۋتاتتارىنىڭ ساۋالىنا پرەمەر-مينيستر ولجاس بەكتەنوۆتىڭ جاۋابىندا ايتىلعان.
«2022-2023 - جىلدارى بارلاۋ، ءوندىرۋ كەلىسىمشارتتارى جانە بارلاۋعا ارنالعان ليتسەنزيالاردى تەكسەرۋ جۇرگىزىلىپ، ناتيجەسىندە ءوز مىندەتتەمەلەرىن ورىندامايتىن جەر قويناۋىن پايدالانۋشىلاردان ليتسەنزيالار قايتارىپ الىندى ءارى كەلىسىمشارتتار بۇزىلدى. 2024-جىلى جەر قويناۋىن پايدالانۋشىلار قىزمەتىن ودان ارى باقىلاۋ ماقساتىندا شامامەن 250 قوسىمشا كوشپەلى تەكسەرۋ جوسپارلانىپ وتىر. جوعارىدا ايتىلعانداردى ەسكەرە وتىرىپ، ۇكىمەت گەولوگيالىق سالانى كەزەڭ-كەزەڭمەن جاڭعىرتۋدىڭ قاجەتتى شارالارىن قابىلدادى. ورتالىقتاندىرىلعان باسقارۋ ستراتەگياسىندا جاڭا قايتا قۇرۋ جالپى ۇلتتىق جوسپارلاردى جۇزەگە اسىرۋ مەرزىمىن ۇلعايتۋعا، مەملەكەتتىك قىزمەتشىلەردىڭ شتاتتىڭ سانىن ارتتىرۋعا جانە مەملەكەتتىك بيۋدجەتتەن قوسىمشا قارجىلاي شىعىنعا الىپ كەلەدى. وسىلايشا، ۇكىمەتتىڭ مينەرالدى-شيكىزاتتىق بازانى تولىقتىرۋ جانە جەر قويناۋىن قورعاۋ بولىگىندە جۇرگىزىپ وتىرعان ساياساتى العا قويىلعان بارلىق مىندەتتىڭ ورىندالۋىن قامتاماسىز ەتەدى»، - دەدى ولجاس بەكتەنوۆ جاۋابىندا.
اۆتور
مارلان جيەمباي
