ولجاس بەكتەنوۆ: زاڭ مەن ءتارتىپ - مەملەكەتىمىزدىڭ نەگىزگى قاعيداتتارى

- «زاڭ مەن ءتارتىپ» - قازىرگى تاڭدا ەڭ جوعارعى كونستيتۋتسيالىق دەڭگەيدە بەكىتىلگەن مەملەكەتىمىزدىڭ نەگىزگى قاعيداتتارى. پرەزيدەنتىمىز ۇنەمى ايتاتىنداي، ناعىز پاتريوت ول - ءبىرىنشى كەزەكتە زاڭعا باعىناتىن، ءتارتىپتى ساقتايتىن، تازالىقتى باعالايتىن، تابيعاتتى ايالايتىن ەڭبەكقور، ءبىلىمدى ازامات. سوندىقتان ءدال وسىنداي قۇندىلىقتاردى ءبارىمىز كەڭىنەن ناسيحاتتاۋىمىز، ىلگەرىلەتۋىمىز قاجەت. ءتارتىپ بولماسا، ەلىمىزدە ەكونوميكالىق، الەۋمەتتىك، ساياسي، باسقا ماقساتتارعا قول جەتكىزۋ مۇمكىن ەمەس، - دەپ اتاپ ءوتتى ولجاس بەكتەنوۆ.

«زاڭ مەن ءتارتىپ» قاعيداتى زاڭدىلىق پەن قوعامدىق قاۋىپسىزدىكتى نىعايتۋعا باعىتتالعانى اتالىپ ءوتتى. ال ۆەدومستۆوارالىق كوميسسيا مەملەكەتتىك ورگانداردىڭ قۇقىق بۇزۋشىلىقتاردىڭ الدىن الۋ جونىندەگى جۇمىسىن ۇيلەستىرۋمەن اينالىسادى.

جيىندا «زاڭ مەن ءتارتىپ» يدەولوگياسىن قوعامدا ىلگەرىلەتۋ جونىندەگى تۇجىرىمداماداعى ءىس-شارالاردىڭ ورىندالۋ بارىسى جانە قۇقىق بۇزۋشىلىقتاردىڭ الدىن الۋ جونىندەگى شارالار قارالدى.

ەلىمىزدە «زاڭ مەن ءتارتىپ» قاعيداتى قالاي ىسكە اسىپ جاتقانىن جازعان بولاتىنبىز.