ولجاس بەكتەنوۆ «سامۇرىق-قازىنا» قورى ديرەكتورلار كەڭەسىنىڭ وتىرىسىن وتكىزدى

استانا. KAZINFORM - پرەمەر-مينيستر ولجاس بەكتەنوۆ «سامۇرىق-قازىنا» ۇلتتىق ءال-اۋقات قورى» ا ق ديرەكتورلار كەڭەسىنىڭ وتىرىسىن وتكىزدى. بۇل تۋرالى ۇكىمەتتىڭ باسپا ءسوز قىزمەتى حابارلادى.

نەگىزگى مىندەت - قور كومپانيالارى توبىنىڭ مىسالىندا مەملەكەت باسشىسىنىڭ ەكونوميكانى ىرىقتاندىرۋ جونىندەگى تاپسىرمالارىنىڭ ورىندالۋىن قاداعالاۋ. قوردىڭ باسقارما ءتوراعاسى نۇرلان جاقىپوۆ بيىلعى 11 ايداعى وندىرىستىك جانە قارجىلىق كورسەتكىشتەر بويىنشا بايانداما جاسادى.

قازىرگى ۋاقىتتا «سامۇرىق-قازىنا» ا ق كومپانيالار توبىنىڭ ينۆەستيتسيالىق پورتفەلى جالپى سوماسى 53,5 تريلليون تەڭگە بولاتىن 130-عا جۋىق جوبانى قامتيدى. ۇكىمەتتىڭ ەرەكشە باقىلاۋىندا تۇرعان 44 ينۆەستيتسيالىق ءىرى جوبانىڭ ىسكە اسىرىلۋ بارىسى قارالدى. اتالعان جوبالارعا مۇناي-گاز، مۇناي حيمياسى، ەنەرگەتيكا، كولىك- لوگيستيكا جانە تاۋ-كەن سەكتورلارىنداعى سالىنعان قارجىنىڭ جالپى كولەمى - 28,8 تريلليون تەڭگە.

بۇگىنگى تاڭدا 23 جوبا بويىنشا ە ر س- كەلىسىمشارتتار جاسالدى، بۇل رەتتە 15 جوبا بويىنشا قۇرىلىس- مونتاجداۋ جۇمىستارى جۇرگىزىلىپ جاتىر. قالعاندارى ىسكە اسىرۋدىڭ ءتۇرلى كەزەڭدەرىندە.

قوردىڭ باسقارما ءتوراعاسى نۇرلان جاقىپوۆ «تالدىقورعان - ءۇشارال» ماگيسترالدى گاز قۇبىرىن سالۋ جوباسى بويىنشا جوسپارلانعان 302 شاقىرىمدىق گاز قۇبىرىنىڭ 95,5 شاقىرىمى تارتىلعانىن، جۇمىستار مەرزىمىنەن بۇرىن جۇرگىزىلىپ جاتقانىن باياندادى.

«دوستىق - مويىنتى» تەمىرجول ءدالىزىن جاڭعىرتۋ اياسىندا جوسپارلانعان 836 شاقىرىم جولدىڭ 786 شاقىرىمى سالىندى، بۇل دا وسى كەزەڭدەگى جوسپارلى كورسەتكىشتەردەن اسىپ ءتۇستى. سيبۋر جانە Sinopec «پوليەتيلەن ءوندىرىسى» كومپانيالارىمەن بىرلەسكەن جوبانى جۇزەگە اسىرۋ شەڭبەرىندە ينجەنەرلىك دايىندىق جۇرگىزىلىپ جاتىر.

پرەزيدەنتتىڭ بىرلەسكەن ينۆەستيتسيالاۋ قۇرالدارىن كەڭىنەن قولدانۋ جونىندەگى تاپسىرماسىن ورىنداۋدا الەۋمەتتىك ماڭىزعا يە جوبالاردى ىسكە اسىرۋ ءۇشىن جەكەمەنشىك كومپانيالار قاراجاتىن تارتۋ جۇمىستارى جالعاسىپ جاتىر. وسىلايشا، قىزىلوردا وبلىسىندا ەلەكتر ستانساسىن سالۋ شەڭبەرىندە 2024 -جىلى «سامۇرىق- ەنەرگو» ا ق مەن قاتارلىق ينۆەستور PIH اراسىندا قۋاتى 1 گۆت جەل ەلەكتر ستانسالارىن ىسكە قوسۋ جوباسىن بىرلەسىپ جۇزەگە اسىرۋ تۋرالى - Masdar (ب ا ءا) كومپانياسىمەن بىرلەسكەن جوبا بويىنشا ينۆەستيتسيالىق كەلىسىمگە قول قويىلدى. سونداي-اق شىمكەنت پەن باتىس قازاقستان وبلىسىندا الەۋمەتتىك جاعىنان از قورعالعان وتباسىلارعا گازبەن جابدىقتاۋ تاريفىن تۇزەتۋ ماسەلەلەرىندە قولداۋ كورسەتۋ ءۇشىن «الەۋمەتتىك ءاميان» پيلوتتىق جوباسىنىڭ ىسكە قوسىلۋىنا نازار اۋدارىلدى. بۇل باستاما اتاۋلى الەۋمەتتىك جانە تۇرعىن ءۇي كومەگىن الاتىن ازاماتتاردى قامتيدى.

ولار ءۇشىن تاۋارلىق گازعا جەڭىلدىك مولشەرى ەسەپتەلگەن سومانىڭ %24- نا جەتۋى مۇمكىن. قوردىڭ باسقارما ءتوراعاسى نۇرلان جاقىپوۆ «سامۇرىق-قازىنا» ا ق ساتىپ الۋلارىندا وتاندىق تاۋار وندىرۋشىلەردى قولداۋ بويىنشا جۇزەگە اسىرىلىپ جاتقان شارالار تۋرالى ەسەپ بەردى. وسى جىلدىڭ 11-ايىندا وفتەيك- كەلىسىمشارتتار سوماسى 2023 -جىلدىڭ سايكەس كەزەڭىمەن سالىستىرعاندا 12 ەسە ءوسىپ، 182,3 ميلليارد تەڭگەگە جەتتى. و ت ءو- مەن جالپى 1 تريلليون تەڭگەدەن استام سوماعا شارت جاسالدى، وتكەن جىلمەن سالىستىرعاندا ءوسىم %83- دى قۇرادى.

بيىلعى قاراشا ايىندا جوسىقسىز الەۋەتتى ءونىم بەرۋشىلەر تاراپىنان زاڭسىز قۇجاتتاردى تىركەۋ مۇمكىندىگىن جويۋ ماقساتىندا ق ر ق م م ك ك ەلەكتروندى شوت- فاكتۋرالاردىڭ اقپاراتتىق جۇيەسىمەن ينتەگراتسيالاۋ قامتاماسىز ەتىلدى. پرەمەر- ءمينيستردىڭ ەلىشىلىك قۇندىلىق ۇلەسىن %82- عا جەتكىزۋ جونىندەگى تاپسىرماسىنا سايكەس، جوسپارلى كورسەتكىشكە 2024 -جىلدىڭ سوڭىنا قاراي قول جەتكىزىلەدى دەپ كۇتىلىپ وتىر.

پرەمەر- مينيسترگە مۇناي- گاز- حيمياسى، ەلەكتر ەنەرگەتيكاسى، كولىك- لوگيستيكا، تاۋ- كەن، تەلەكوممۋنيكاتسيا سەكتورلارىنداعى ءىرى ينفراقۇرىلىمدىق جوبالاردى ىسكە اسىرۋ ءۇشىن 2025-2029 -جىلدارى قوردىڭ مەنشىكتى قاراجاتىنىڭ 3,6 تريلليون تەڭگەسىن قوسقاندا، شامامەن 9,6 تريلليون تەڭگە ينۆەستيتسيالاۋ جوسپارلانعانى باياندالدى.

وتىرىس قورىتىندىسى بويىنشا ءبىرقاتار قۇجات قابىلداندى، ونىڭ ىشىندە الداعى كەزەڭگە ارنالعان جۇمىس جوسپارى بەكىتىلدى. قور باسشىلىعى مەن قىزمەتكەرلەرىنىڭ پايدالى اسەر كوەفيتسەنتى تاۋارلار مەن قىزمەتتەردى ساتىپ الۋداعى قازاقستاندىق قامتۋ ۇلەسىن ارتتىرۋ بويىنشا جۇمىس تيىمدىلىگىنىڭ كورسەتكىشىن قامتيدى.

ەلميرا ورالبايەۆا

اۆتور