ولجاس بەكتەنوۆ ۇشقىش تالعات بيگەلدينوۆتىڭ ەسكەرتكىشىنە گۇل شوقتارىن قويدى
استانا. KAZINFORM - ولجاس بەكتەنوۆ اتى اڭىزعا اينالعان قازاقستاندىق ۇشقىش تالعات بيگەلدينوۆتىڭ ەسكەرتكىشىنە گۇل شوقتارىن قويدى. بۇل تۋرالى ۇكىمەتتىڭ باسپا ءسوز قىزمەتى ءمالىم ەتتى.
پرەمەر-مينيستر ولجاس بەكتەنوۆ ۇلى جەڭىستىڭ 80 جىلدىعىن مەرەكەلەۋ اياسىندا اتى اڭىزعا اينالعان ۇشقىش، ق ر اۆياتسيا گەنەرال-مايورى، كەڭەس وداعىنىڭ ەكى مارتە باتىرى تالعات بيگەلدينوۆتىڭ ەسكەرتكىشىنە گۇل شوقتارىن قويۋ راسىمىنە قاتىستى.
تالعات بەگەلدينوۆ سوعىس جىلدارىندا اۋەدە 500 ساعاتقا جۋىق ۇشىپ، 305 رەت اسكەري شابۋىلعا شىققان، جاۋدىڭ 7 ۇشاعى مەن كوپتەگەن اسكەري تەحنيكاسىن تالقاندادى. ءساتتى ورىندالعان بارلاۋ وپەراتسيالارىنىڭ ناتيجەسىندە ول ۇزدىك اۋە بارلاۋشىلارىنىڭ ءبىرى رەتىندە تانىلدى. باتىر قازاقستاننىڭ ازاماتتىق اۆياتسياسىن دامىتۋعا، ينفراقۇرىلىم سالۋعا جانە كاسىبي ماماندار دايارلاۋعا زور ۇلەس قوستى.
گۇل شوقتارىن قويۋ ءراسىمى بارىسىندا سوعىس جىلدارىندا قازا تاپقان جاۋىنگەرلەر مەن بارشا مايدانگەرلەردى ءبىر مينۋت ۇنسىزدىكپەن ەسكە الدى.
