وكتەم سويلەۋىمنىڭ سەبەبى بار-الماتى قالاسىنىڭ اكىمى
وكتەم سويلەۋىمنىڭ سەبەبى بار. بۇگىن جۋرناليستەر الدىندا ەسەپ بەرگەن ەربولات دوسايەۆ، وسىلاي دەپ اعىنان جارىلدى. الماتىنىڭ اكىمى ات تەرلەتىپ استاناعا كەلدى. قوردالانعان كوپ تۇيتكىلگە جاۋاپ بەردى.
جاعىمدى جاڭالىقپەن دە ءبولىستى. وڭتۇستىك شاھاردا سۋ جاڭا مەكتەپتەر مەن اۋرۋحانا بوي كوتەرەدى. كولىك كەپتەلىسىن رەتتەۋ جايى دا نازاردان تىس قالمايدى. تىلشىلەر قاۋىمىنىڭ ەربولات دوسايەۆقا قويار ساۋالدارى، الماتى قالاسىنىڭ تۇيتكىلدەرى ىسپەتتى قوردالانىپ قالعانى راس. وڭتۇستىك استاناعا ىزدەپ بارساڭ، وڭايلىقپەن ۇستاتا قويمايتىن شاھار باسشىسى بۇگىن ب ا ق وكىلدەرىنىڭ الدىنا ءوزى جەتتى. وندا دا جىلدى قورىتىندىلاۋ ءۇشىن كەلدى. بىلايعى ۋاقىتتا سۇراعىنا جاۋاپ الا الماعان جۋرناليستەر بۇل جولى بىرىنەن سوڭ ءبىرى ساۋالدارىن جاۋدىردى.
حالىق الدىندا نەگە وكتەم سويلەيسىز؟
ەربولات دوسايەۆ، الماتى قالاسىنىڭ اكىمى:
- ءبىرىنشى كەزدەسۋلەردە ەموتسيالار كوپ بولعان. كەزدەسۋ 5-6 ساعات بولدى. ينتەرنەتتە ءبارى بار. قاراپ شىعىڭىزدار، قاي جەردە كىممەن ۇرسىسىپ جاتىرمىن. حالىقتى سىيلايمىن. بىرەۋلەر ايتادى، ادەكۆاتنىي ما، جوق پا دەيدى. ولاردى تىنىش بولۋعا شاقىرامىز. مەنى ەستىمەگەننەن كەيىن، ءبىز دە ءتىرى ادامبىز.
كولىك كەپتەلىسى شەشىمىن تابا ما؟
ايتۋىنشا، قالاعا كۇن سايىن ورتا ەسەپپەن 250-300 مىڭ كولىك قاتىنايدى. وسىعان بايلانىستى كەلەر جىلى قۇلجا تراكتى 6 جولاققا دەيىن كەڭەيتىلەدى. ساين كوشەسى مەن اباي داڭعىلى قالا مەجەسىنە دەيىن ۇزارتىلادى. سەيفۋللين-جانسۇگىروۆ جانە ساين -موڭكە بي جول ايىرىقتارىنىڭ قۇرىلىسى دا اياقتالادى.
ەربولات دوسايەۆ، الماتى قالاسىنىڭ اكىمى:
- قوعامدىق كولىكتى پايدالانۋدى ىنتالاندىرۋ ءۇشىن 2024 -جىلى الماتىعا قالانىڭ سولتۇستىك، باتىس جانە شىعىس جاعىنان كىرەبەرىستە 3 كىرمە تورابىنىڭ قۇرىلىسى باستالادى. سونىمەن قاتار 2024 -جىلى رايىمبەك داڭعىلىنىڭ بويىمەن احريمەنكو كوشەسىنەن پۋشكين كوشەسىنە دەيىن ۇزىندىعى 9 شاقىرىم BRT سالىنىپ، ىسكە قوسىلادى. 2025 -جىلى احريمەنكو كوشەسىنەن اباي كوشەسى اراسىندا تاعى 8 شاقىرىم سالىناتىن بولادى. الماتىداعى مەترو بەلسەندى دامىپ كەلەدى. بيىلعى جىلى 3 قوسىمشا جىلجىمالى قۇرام ىسكە قوسىلدى. قوزعالىس ينتەرۆالى 5 مينۋت 38 سەكۋندقا دەيىن ازايدى. ناتيجەسىندە مەتروداعى جولاۋشىلاردىڭ لەگى 100 مىڭ ادامعا دەيىن كوبەيدى. جالپى 2023 -جىلدىڭ قورىتىندىسى بويىنشا قوعامدىق كولىكتەگى جولاۋشىلار لەگى تاۋلىگىنە 1,5 ميلليون ادامعا دەيىن كوبەيدى.
ەربولات دوسايەۆ، «بۇدان بىلاي جولاۋشىلار ايالدامادا ۇزاق تۇرمايدى» دەپ ۋادە بەردى. ويتكەنى الماتىنىڭ اۆتوبۋس پاركى مىڭنان استام ەكولوگيالىق تازا اۆتوبۋستارعا جاڭارتىلدى. كەلەر جىلى تاعى 100 تروللەيبۋس ساتىپ الىنادى ەكەن.
الماتىدا جاڭا 22 مەكتەپ سالىنادى
وسى جىلى قىركۇيەك ايىنان باستاپ 30 ءبىلىم ورداسىندا «مەكتەپ اۆتوبۋسى» جوباسى ىسكە قوسىلىپ، وقۋشىلاردى تاسىمالداۋعا ارنالعان 100 جاڭا تەحنيكا ساتىپ الىندى. بۇگىندە الماتىدا 23 مىڭ 100 ورىندىق 13 مەكتەپتىڭ قۇرىلىسىن باستاۋ تۋرالى مەموراندۋمعا قول قويىلدى. تاعى 12 مىڭ وقۋشىعا ارنالعان 8 مەكتەپتىڭ قۇرىلىسى بويىنشا جەكە ينۆەستورلارمەن ءبىرقاتار كەلىسىم جاسالدى.
ەربولات دوسايەۆ، الماتى قالاسىنىڭ اكىمى:
- بيىل جىل باسىنان بەرى 5 مىڭ 920 وقۋشى ورنىنا ەسەپتەلگەن 21 مەكتەپ پەن قوسىمشا قۇرىلىس پايدالانۋعا بەرىلدى. ونىڭ ىشىندە 3 مىڭ 450 ورىندىق 16 جەكە مەنشىك مەكتەپ، 1500 ورىندىق 1 مەملەكەتتىك مەكتەپ پەن تاعى 470 ورىندىق 4 قوسىمشا عيمارات سالىندى.
سەيسميكالىق قاۋىپسىزدىك
ءزىلزالا دەسە، الماتىنىڭ ويعا ورالاتىنى انىق. سەيسميكالىق قاۋىپسىزدىكتى كۇشەيتۋ ءۇشىن وسى جىلدىڭ قازان ايىندا 16 مىڭ 700 عيماراتقا سەيسميكالىق اۋديت باستالدى. 2023 -جىلدىڭ سوڭىنا دەيىن 3 جارىم مىڭ نىساندى تەكسەرەدى.
ەربولات دوسايەۆ، الماتى قالاسىنىڭ اكىمى:
- جەرگىلىكتى اتقارۋشى ورگاندارعا وبەكتىلەردىڭ سەيسميكالىق توزىمدىلىك تۇرعىسىنان قالالىق قۇرىلىستى باعالاۋ فۋنكتسياسىمەن بەرۋ قاراستىرىلۋدا. جەر سىلكىنىسىن ەرتە ەسكەرتەتىن 28 سەيسميكالىق ستانسيا ورناتۋدى تولىعىمەن اياقتادىق. توتەنشە جاعدايدا زارداپ شەككەن حالىقتى قابىلدايتىن 545 جاڭارتىلعان پۋنكت انىقتالدى.
مەديتسينالىق ورتالىق سالىنىپ جاتىر
مەگاپوليستە جاڭا ستاندارتتارعا ساي كەلەتىن 2 مەديتسينالىق-سانيتارلىق العاشقى كومەك كورسەتۋ ورتالىعى مەن 1 ەمحانا اشىلدى. بۇگىندە تاعى 4 ورتالىق سالىنىپ جاتىر. ءۇش مىڭنان استام دارىگەر تۇركيا، گەرمانيا جانە يزرايل كلينيكالارىنىڭ بازاسىندا قايتا دايارلاۋدان ءوتتى. جالپى، دەنساۋلىق ساقتاۋ سالاسىن قارجىلاندىرۋ كولەمى بيىل 36,5 ميلليارد تەڭگە بولسا، 2024 -جىلى 41 ميلليارد تەڭگەگە دەيىن ۇلعايادى.
www.24.kz
