وكلاحومانى 5 ايدان بەرى الىپ پيتون كەزىپ ءجۇر

مىسىق پەن باسقا دا جانۋارلاردى ازىق ەتەتىن 13 فۋتتىق الىپ البينوس جىلان بىرنەشە ايدان بەرى امەريكالىق وكلاحوما شتاتى استاناسىنىڭ تۇرعىندارىن ۇرەيدە ۇستاپ وتىر.

Жылан
Фото: Фото: Midjourney

قازاقپارات بۇل تۋرالى USA Today باسىلىمىنا سىلتەمە جاساپ حابارلايدى.

تور الىپ البينوس وكلاحوما- سيتيدەگى بەرنتۆۋد كوشپەلى ۇيلەر ساياباعى اۋدانىندا بەس اي بۇرىن پايدا بولعان. باۋىرىمەن جورعالاۋشىنى تۇرعىندار سوڭعى رەت جۇما كۇنى كورگەن، دەپ جازدى KFOR- TV.

پيتوندى ۇستاۋ ءۇشىن جالداعان Red Beard Wildlife Control وكىلى تريەۆور باۋندس تەلەارناعا پيتون وپوسسۋم، ەگەۋقۇيرىق پەن مىسىقتاردى ازىق ەتەتىنىن ايتتى. تور البينوس- پيتون - پيتون تۇقىمداسى ىشىندەگى ۋى جوق جىلان. ولار قۇربانىن تولىقتاي جۇتار الدىندا تۇنشىقتىرىپ الادى.

پيتوننىڭ قايدان كەلگەنى بەلگىسىز. بۇل جىلان ءتۇرى ۇيدە اسىراۋعا وتە ىڭعايلى. يەسى پيتوندى شىعارىپ جىبەرگەن نەمەسە ول ءوزى قاشىپ كەتكەن بولۋى مۇمكىن. اۋدان تۇرعىندارىنىڭ سوزىنشە، جىلاننىڭ كولەمى جاز باسىنان بەرى ەكى ەسە وسكەن. سونداي- اق تۇرعىندار كوشپەلى ۇيلەر ساياباعى باستاۋىش مەكتەپتىڭ جانىندا ەكەنىنە الاڭداۋلى.

وتكەن اپتادا باۋندس جىلۋ كامەراسىنىڭ كومەگىمەن وسى اۋدانداعى ۇيلەردىڭ ءبىرىنىڭ جەرتولەسىندە ورنالاسقان پيتوننىڭ ۇياسىن تاپتى. جەرتولە ىشىنەن بىرنەشە ءولى جانۋاردىڭ دەنەسى تابىلدى.

باۋندس جىلاننىڭ اۋزى ادامنىڭ اياعىمەن، ال قالىڭدىعى سەمىز ادامنىڭ بيتسەپسىمەن بىردەي، دەپ جازدى New York Daily News.

گيننەس رەكوردتار كىتابى بويىنشا، 2012 -جىلى بوستاندىقتا جۇرگەن ەڭ ءىرى تور البينوس- پيتوننىڭ ەسىمى - تۆينكي، ۇزىندىعى - 23 فۋت، سالماعى - 370 فۋنت بولاتىن.

جىلان 2014 -جىلى ءولىپ قالعانى بەلگىلى.

اۆتور

اسحات رايقۇل

سوڭعى جاڭالىقتار