موڭعوليا اتا-انالار مەن مۇعالىمدەردىڭ قاتىسۋىمەن الەۋمەتتىك جەلى توپتارىن اشۋعا تىيىم سالدى

موڭعوليانىڭ ءبىلىم جانە عىلىم ءمينيسترى لۋۆسانسەرەن ەنح-امگالاننىڭ ايتۋىنشا، جاڭا وقۋ جىلىنان باستاپ مەكتەپتەردە مۇعالىمدەر، وقۋشىلار جانە ولاردىڭ اتا- انالارىنىڭ قاتىسۋىمەن اشىلعان الەۋمەتتىك جەلى توپتارىن اشۋعا تولىعىمەن تىيىم سالىنادى.

موڭعولياداعى ەڭ تانىمال الەۋمەتتىك جەلىلەرگە Facebook, Instagram جانە TikTok كىرەدى. اسىرەسە، مۇعالىمدەر Facebook- ءتى وقۋشىلارمەن جانە ولاردىڭ اتا-انالارىمەن بايلانىسۋ ءۇشىن، سونداي-اق ءۇي تاپسىرماسىن جاريالاۋ ءۇشىن بەلسەندى پايدالانادى.

بۇل شارا بالالاردىڭ ونلاين قاۋىپسىزدىگىن جاقسارتۋعا جانە ولاردىڭ ەكران الدىندا وتكىزەتىن ۋاقىتىن قىسقارتۋعا باعىتتالعان.

بۇعان دەيىن فرانسيادا 15 جاسقا دەيىنگى بالالارعا الەۋمەتتىك جەلىنى پايدالانۋعا تىيىم سالىندى.