باسقارما باسشىسى پروكۋراتۋرا ۇسىنىسىنا قۇلاق اسپاعانى ءۇشىن ايىپپۇل تولەدى
سەمەي. KAZINFORM - مامانداندىرىلعان تابيعاتتى قورعاۋ پروكۋراتۋراسى 2022-2023-جىلدار ارالىعىندا بيتۋم ساتۋ كەزىندە مونوپولياعا قارسى، سالىقتىق جانە سالالىق زاڭنامانىڭ ساقتالۋىنا تەكسەرۋ جۇرگىزدى. شارا اباي وبلىسى جولاۋشىلار كولىگى جانە اۆتوموبيل جولدارى باسقارماسىنىڭ جۇمىسىن قامتىدى.
كاسىپكەرلەردىڭ جەڭىلدىكپەن بيتۋم الۋعا ءوتىنىشىن قابىلداۋ، تىركەۋ، ەسەپكە الۋ جانە قاراۋ، سونداي-اق بيتۋمدى بىركەلكى ءبولۋدى قامتاماسىز ەتۋ بويىنشا شەشىم قابىلداۋ كەزىندە بۇزۋشىلىقتار انىقتالدى.
وسى فاكتى بويىنشا پروكۋراتۋرا وبلىس اكىمدىگىنە ۇسىنىس ەنگىزدى.
الايدا، باسقارما باسشىسىنىڭ م. ا. زاڭدىلىقتىڭ بۇزىلۋىن جويۋعا شارالاردى قولدانباعان، سونىمەن قاتار قاداعالاۋ اكتىسىن قاراۋ مەرزىمىن بۇزعان.
وسىعان بايلانىستى وعان پروكۋروردىڭ ۇسىنىسى بويىنشا شارا قولدانباعانى ءۇشىن ق ر ا ق ب ت ك 664-بابى بويىنشا ايىپپۇل سالىندى.
اۆتور
جانات قاپالبايەۆا
