تيىن-تەبەنگە ساتىلىپ كەتكەن شىمكەنتتەگى مۇز سارايى مەملەكەتكە قايتارىلدى
شىمكەنت. KAZINFORM - قالا پروكۋراتۋراسىنىڭ تالاپ ارىزى بويىنشا شىمكەنت قالاسىنداعى سپورت سارايى (قازىرگى مۇز سارايى) مەملەكەتكە قايتارىلدى.
2017 -جىلى شىمكەنت قالاسىنىڭ «سپورت سارايى» ج ش س- نىڭ %67,09 ۇلەسى جەكەشەلەندىرىلىپ، قۇنى 1 ميلليارد تەڭگەگە، ياعني نارىقتىق قۇنىنان 8 ەسە از سوماعا ساتىلعانى انىقتالدى.
سونىمەن قاتار سپورت سارايىن ساتىپ العان ۇيىم جەكەشەلەندىرۋ راسىمىنە زاڭسىز جىبەرىلگەن جانە جارعىلىق قۇجاتتارعا سايكەس سپورت سالاسىنداعى قىزمەتتەرمەن اينالىسۋعا قۇقىعى جوق بولعاندىقتان، اۋكسيونعا قاتىسۋشى رەتىندە تىركەلۋگە جاتپايدى.
سپورت سارايى وڭتۇستىك وڭىرلەردە قىسقى سپورت تۇرلەرىن دايىندايتىن جالعىز ورىن سانالادى.
وبەكتىنى جەكەشەلەندىرۋ كەزىندە مەملەكەت مۇلكىن قوعام يگىلىگىنە ءتيىمدى پايدالانۋ قاعيداسىنا سايكەس باسقارۋدى مىندەتتەيتىن مەملەكەتتىك مۇلىك تۋرالى زاڭنىڭ نورمالارى بۇزىلعان.
سونداي-اق 5 جىل ىشىندە مەملەكەت سپورت سارايىنىڭ ءۇي-جايىن جالعا الۋعا 1 ميلليارد تەڭگەدەن استام قارجى جۇمساعان.
شىمكەنت قالاسىنىڭ مامانداندىرىلعان اۋدانارالىق ەكونوميكالىق سوتىنىڭ 2024 -جىلعى 27-مامىرداعى شەشىمىمەن جەكەشەلەندىرۋ ناتيجەسى جويىلدى.
قازىرگى ۋاقىتتا شەشىم زاڭدى كۇشىنە ەندى.
