17:03, 09 - مامىر 2025 | GMT +5
پۋتين توقايەۆقا اكەسى كەمەل توقايەۆتى كەڭەس وداعىنىڭ باتىرى اتاعىمەن ماراپاتتاۋ پاراعىن تابىستادى
استانا. KAZINFORM - ۆلاديمير پۋتين قاسىم-جومارت توقايەۆقا رەسەي فەدەراتسياسىنىڭ قورعانىس مينيسترلىگى ارحيۆىنەن الىنعان قازاقستان پرەزيدەنتىنىڭ اكەسى، گۆارديا سەرجانتى كەمەل توقايەۆتى ماراپاتتاۋ پاراعىن تابىستادى، دەپ حابارلايدى اقوردانىڭ باسپا ءسوز قىزمەتى.
قۇجاتقا سايكەس، ول كەڭەس وداعىنىڭ باتىرى اتاعىنا ۇسىنىلعان. الايدا بۇل اتاق بەرىلمەگەن.
كەمەل توقايەۆ پولشا اۋماعىنداعى ۇرىستاردا كورسەتكەن ەرلىگى ءۇشىن Ⅱ دارەجەلى وتان سوعىسى وردەنىمەن ناگرادتالعان.
ايتا كەتەيىك، پرەزيدەنت قاسىم-جومارت توقايەۆ جەڭىستىڭ 80 جىلدىعىنا ارنالعان ءىس-شارالارعا قاتىسۋ ءۇشىن رەسەيگە بارعان بولاتىن.
پرەزيدەنت قىزىل الاڭداعى پارادقا قاتىسقان ساربازدارعا قۇرمەت كورسەتتى.
مەملەكەت باسشىسى بەلگىسىز جاۋىنگەردىڭ بەيىتىنە گۇل شوعىن قويۋ راسىمىنە قاتىستى.
