پۋتين جەڭىستىڭ 80 جىلدىعى قارساڭىندا اتىستى توقتاتاتىنىن جاريالادى - كرەمل

استانا. KAZINFORM - رەسەي جەڭىستىڭ 80 جىلدىعى قارساڭىندا اتىستى توقتاتا تۇرۋ تۋرالى شەشىم قابىلدادى.

- گۋمانيتارلىق جايعا سۇيەنە وتىرىپ، جەڭىستىڭ 80 جىلدىعىنا وراي - 7-8-مامىر ءتۇن ورتاسىنان 10-11-مامىر ءتۇن ورتاسىنا دەيىن - رەسەي تاراپى اتىستى توقتاتاتىنى تۋرالى جاريالادى. «وسى كەزەڭدە بارلىق اسكەري وپەراتسيا توقتاتىلادى»، - دەلىنگەن كرەمل حابارلاماسىندا.

بۇعان دەيىن ۆلاديمير پۋتين پاسحا مەيرامىنا بايلانىستى ۋاقىتشا بىتىمگە كەلەتىنىن مالىمدەگەن ەدى.

سونداي-اق ترامپ پۋتينمەن قاشان كەزدەسەتىنى تۋرالى جازعان ەدىك.

سونىمەن قاتار پۋتين كيەۆپەن الدىن الا شارتتارسىز كەلىسسوز جۇرگىزۋگە دايىن.

اۆتور

ەركەجان سماعۇلوۆا