توسىن وقيعالارعا تولى الەم

استانا. قازاقپارات - XX عاسىر - جاڭالىقتار عاسىرى بولعانى بەلگىلى. سونىمەن قاتار مىڭداعان توسىن وقيعالارعا دا حالىق كۋا بولدى.

بۇگىن 100 جىلدا بولعان ءبىرقاتار توسىن جاعدايلاردى نازارلارىڭىزعا ۇسىنعاندى ءجون كوردىك.

1901 - جىل. ارعى تەگى يندەس-بالگەر دجون راننينگ 1969 - جىلى امەريكالىق عارىشكەرلەردىڭ ايعا قوناتىندىعىن كۇنى بۇرىن ايتقان.

ول گيتلەردىڭ قۇلايتىنىن، كەننەديدىڭ ولەتىنىن، ك س ر و-نىڭ تارايتىندىعىن ءدال ايتقان.

1911-جىل. انگليا، برەدفورد، يورك-شير. 23-اقپان كۇنى تاڭەرتەڭ مەكتەپ اۋلاسىندا توعىز جاستاعى قىزدى بەلگىسىز ءبىر كۇش 6 مەتر بيىكتىككە كوتەرگەن. ءبىراق قىز جەرگە قۇلاپ ءتۇسىپ، كوز جۇمعان.

1935-جىل. امەريكالىق گەرترۋدا سميت (پەنسيلۆانيا) قوراسىنداعى تاۋىقتاردىڭ جۇمىرتقاسىن بوياۋدى ويلاپ، باسى قاتادى. اقىرى جۇمىرتقاعا سۋرەت سالۋ ەتەك الادى.

1938 - جىل. جاپونيا. حوككايدو. شىركەۋ ىشىنە قويىلعان اعاش قۋىرشاقتىڭ باسىنا يەسى ولگەن سوڭ شاش شىعادى. جۇرتتىڭ ايتۋىنشا، قۋىرشاق شاشىمەن ءالى كۇنگە تۇرعان كورىنەدى.

شۆەسيا، لاپلانديا. شىلدە ايىندا اسپاندا بىرنەشە وتتى شار پايدا بولادى. ول ءبىر ادامدى ءولتىرىپ، بىرنەشە كىسى جاراقاتتانادى. ۇشاتىن تاباقشالار قايتا اۋەگە كوتەرىلىپ، كوزدەن عايىپ بولعان.

1945 - جىل. ا ق ش، پيتسبۋرگ. 6 - تامىزدا حيروسيماعا بومبا تۇسكەن كۇنى اللان دەمەتريۋستىڭ يەلىگىندەگى 100 جىلدىق تاريحى بار جاپوندىق قولا ءمۇسىننىڭ كوزىنەن جاس اققان.

1984 - جىلى لەيكۆۋدتاعى الاڭداردىڭ بىرىندە (لوس-اندجەلەس شتاتى) اسپاننان ارتيللەريا سناريادى تۇسەدى. 2-دۇنيەجۇزىلىك سوعىس كەزىندە پايدالانىلعان، سالماعى 22 فۋنت سنارياد تۇسكەن جەرىندە جارىلماعان. كوكتە ۇشاق بولماعان. الايدا قارۋدىڭ قايدان ۇشىپ كەلگەنى بەلگىسىز.

ءدال وسىنداي وقيعا 1958 - جىلى 7 - اقپاندا نەپالدە بولعان. 1942 - جىلعى ارتيللەريا سناريادى جەرگە قالاي، قايدان تۇسكەنى بەلگىسىز كۇيدە قالعان.

كورىپكەلدەردىڭ سوزىنە قاراعاندا، ەل تىزگىنىن قولىنا العان كەيبىرەۋلەردى قورعاپ-قولداپ جۇرەتىن تىلسىم كۇش بولادى.

ماسەلەن چەرچيلل كەزدەيسوق ولىمنەن امان قالعان. ۇلى بريتانيا پرەمەر-ءمينيسترى ءوز رەزيدەنسياسىندا تۇسكى اسقا وتىرماق بولادى. ءبىراق ول تۇسكە استى جەرتولەگە اكەلۋدى تاپسىرادى. ىلە-شالا نەمىس ۇشاقتارى رەزيدەنسيانى بومبالاپ، اس بولمەنى تالقانداعان. ال چەرچيل ءوزىنىڭ سەزىمتالدىعىنىڭ ارقاسىندا امان قالعان.

دۋاناباي جولداسبەك

«ايقىن»