توقايەۆ پەن پۋتين ەكىجاقتى ىنتىماقتاستىقتىڭ وزەكتى ماسەلەلەرى جونىندە پىكىر الماستى
استانا. KAZINFORM - قازاقستان پرەزيدەنتى رەسەي كوشباسشىسىن مەملەكەتتىك دۋما سايلاۋىنىڭ تابىستى وتۋىمەن قۇتتىقتادى، دەپ حابارلايدى اقوردانىڭ باسپا ءسوز قىزمەتى.
قاسىم-جومارت توقايەۆ داۋىس بەرۋ ۇدەرىسى جوعارى دەڭگەيدە ۇيىمداستىرىلعانىن اتاپ ءوتىپ، رەسەي پارلامەنتىنىڭ جاڭا قۇرامى ەل مەن ازاماتتاردىڭ يگىلىگى جولىندا جەمىستى قىزمەت اتقارۋىنا تىلەكتەستىك ءبىلدىردى.
مەملەكەتتەر باسشىلارى ەكىجاقتى ىنتىماقتاستىقتىڭ وزەكتى ماسەلەلەرى جونىندە پىكىر الماستى، سونداي-اق الداعى بىرلەسكەن ءىس-شارالار مەن جوعارى دەڭگەيدەگى بايلانىستار كەستەسىن تالقىلادى.
وسىعان دەيىن مەملەكەت باسشىسى رەسەي پرەزيدەنتى ۆلاديمير پۋتينگە قۇتتىقتاۋ جەدەلحاتىن جولداپ، توعىزىنشى شاقىرىلىمداعى مەملەكەتتىك دۋما سايلاۋىنىڭ تابىستى وتۋىمەن قۇتتىقتادى.
