توقايەۆ تۇركياداعى زاۋىتتا بولعان جارىلىسقا بايلانىستى ەردوعانعا كوڭىل ايتتى
استانا. KAZINFORM - پرەزيدەنت قاسىم-جومارت توقايەۆ يزمير پروۆينتسياسىنداعى مەتاللۋرگيالىق زاۋىتتا بولعان جارىلىسقا بايلانىستى تۇركيا پرەزيدەنتى رەجەپ تايىپ ەردوعانعا كوڭىل ايتتى، دەپ حابارلايدى پرەزيدەنتتىڭ باسپا ءسوز قىزمەتى.
مەملەكەت باسشىسى باۋىرلاس تۇركيا حالقىنا كوڭىل ايتا وتىرىپ، جاراقات العان جانداردىڭ تەزىرەك ساۋىعىپ كەتۋىن تىلەدى.
تۇركيانىڭ يزمير پروۆينتسياسىنداعى HABA مەتاللۋرگيا زاۋىتىندا بولعان جارىلىسقا بايلانىستى التى كۇدىكتى ۇستالعانىن، قازا تاپقاندار سانى 17 ادامعا جەتكەنىن جازعان ەدىك.
EKOTـRK مالىمەتىنشە، قايعىلى وقيعا 9-قاراشادا الياگا اۋدانىنداعى زاۋىتتا جوسپارلى جوندەۋ كەزىندە بولدى. جارىلىس سوڭى ورتكە ۇلاسىپ، بىرنەشە جۇمىسشى ءۇيىندى استىندا قالعان. وقيعا ورنىنا ءورت سوندىرۋشىلەر، قۇتقارۋشىلار مەن دارىگەرلەر جەدەل جەتكەن.
