توقايەۆ ساۋد ارابياسى كورولىن ۇلتتىق كۇنىمەن قۇتتىقتادى

قاسىم-جومارت توقايەۆ سالمان بەن ابدەلازيز ءال ساۋد پەن ونىڭ وتانداستارىن كورولدىكتىڭ ۇلتتىق كۇنىمەن قۇتتىقتادى.

- پرەزيدەنت قازاقستان مەن ساۋد ارابياسى اراسىنداعى دوستىق جانە ءوزارا قولداۋ رۋحىندا دامىپ كەلە جاتقان سان قىرلى ىنتىماقتاستىق حالىقتارىمىزدىڭ يگىلىگى جولىندا الداعى ۋاقىتتا دا نىعايا تۇسەتىنىنە سەنىم ءبىلدىردى، - دەلىنگەن حابارلامادا.

مەملەكەت باسشىسى ساۋد ارابياسىنىڭ كورولى مەن ەل باسشىلىعىنىڭ جاۋاپتى قىزمەتتەرىنە تولاعاي تابىس، ال ساۋد حالقىنا قۇت-بەرەكە تىلەدى.

بۇعان دەيىن پرەزيدەنت قاۋىپسىزدىك كەڭەسى اپپاراتىنا جاڭا مىندەتتەر جۇكتەگەنىن جازدىق.