توقايەۆ رەجەپ تايىپ ەردوعاندى رەسپۋبليكا كۇنىمەن قۇتتىقتادى

قاسىم-جومارت توقايەۆ رەجەپ تايىپ ەردوعاندى رەسپۋبليكا كۇنىمەن قۇتتىقتادى.

- بۇل مەرەكە - تۇرىك حالقىنىڭ بىرلىگى مەن جاسامپازدىعىنىڭ ايقىن نىشانى، مەملەكەتتىلىگى مەن تۇراقتى دامۋىنىڭ مىزعىماس تۇعىرى. ءسىزدىڭ كورەگەن باسشىلىعىڭىزدىڭ ارقاسىندا تۇركيا ساياسي، الەۋمەتتىك-ەكونوميكالىق جانە عىلىمي-تەحنيكالىق سالالاردا بيىك بەلەستەردى باعىندىرىپ، حالىقارالىق قاۋىمداستىقتىڭ قۋاتتى ءارى بەدەلدى مۇشەسىنە اينالدى، - دەلىنگەن جەدەلحاتتا.

پرەزيدەنت ەكى ەل اراسىنداعى ماڭگىلىك دوستىق جانە كەڭەيتىلگەن ستراتەگيالىق سەرىكتەستىك دەڭگەيىنە كوتەرىلگەن قارىم-قاتىناس حالىقتارىمىزدىڭ يگىلىگى جولىندا ىلگەرىلەي بەرەتىنىنە سەنىم ءبىلدىردى.

سونداي-اق قاسىم-جومارت توقايەۆ رەجەپ تايىپ ەردوعاننىڭ جاۋاپتى قىزمەتىنە تولايىم تابىس، ال باۋىرلاس تۇركيا حالقىنا باق-بەرەكە تىلەدى.

ايتا كەتەلىك قاسىم-جومارت توقايەۆتىڭ تۇركياعا رەسمي ساپارى باستالعان ەدى.