توقايەۆ ءماسليحات سايلاۋىندا بارلىق كانديداتقا تەڭ جاعداي جاساۋدى تاپسىردى
استانا. KAZINFORM - پرەزيدەنت قاسىم-جومارت توقايەۆ ورتالىق سايلاۋ كوميسسياسىنىڭ ءتوراعاسى نۇرلان ءابدىروۆتى قابىلدادى.
اقوردانىڭ باسپا ءسوز قىزمەتىنىڭ حابارلاۋىنشا، قاسىم-جومارت توقايەۆقا 2026 -جىلى 29-قاراشادا وتەتىن بارلىق دەڭگەيدەگى ءماسليحات دەپۋتاتتارىنىڭ كەزەكتەن تىس سايلاۋىنا دايىندىق بارىسى بويىنشا سايلاۋ ورگاندارىنىڭ اتقارىپ جاتقان جۇمىسى جونىندە اقپارات بەرىلدى.
پرەزيدەنت سايلاۋدى «زاڭ جانە ءتارتىپ» كونستيتۋتسيالىق قاعيداتى نەگىزىندە وتكىزۋ، كانديداتتار مەن ساياسي پارتيالاردىڭ بارلىعىنا تەڭ جاعداي جاساۋ ماڭىزدى ەكەنىن اتاپ ءوتتى.
مەملەكەت باسشىسى الداعى ۋاقىتتا دەپۋتاتتىق كورپۋستىڭ جاڭارۋى جەرگىلىكتى وكىلدى ورگانداردىڭ قىزمەتىن ەداۋىر كۇشەيتەتىنىنە باسا نازار اۋداردى.
ايتا كەتەيىك، 29-قاراشادا قازاقستاندا ءماسليحات دەپۋتاتتارىنىڭ كەزەكتەن تىس سايلاۋى وتەدى.
بۇعان دەيىن ءماسليحات دەپۋتاتتارىنىڭ سايلاۋىنا قانداي پارتيالار قاتىساتىنىن جازدىق.
ءماسليحات دەپۋتاتتارىنىڭ كەزەكتەن تىس سايلاۋى تۋرالى وزەكتى جاڭالىقتاردى وسى جەردەن وقي الاسىز.