توقايەۆ: بيزنەسكە قولدان زاڭسىز توسقاۋىل جاساۋ - مەملەكەتكە قارسى جاسالعان قىلمىس
استانا. KAZINFORM - بيزنەسكە قولدان زاڭسىز توسقاۋىل جاساۋ - مەملەكەتكە قارسى جاسالعان قىلمىس. بۇل تۋرالى قۇرىلتاي وتىرىسىندا «جاڭا تاريحي كەزەڭدەگى قازاقستاننىڭ وزەكتى مىندەتتەرى» اتتى قازاقستان حالقىنا جولداۋىن جاريالاپ جاتقان پرەزيدەنت قاسىم-جومارت توقايەۆ ايتتى.
- سونىمەن قاتار ەكونوميكالىق باپتار بويىنشا قىلمىستىق قۋدالاۋعا تارتىلىپ جاتقان كاسىپكەرلەردەن وتىنىشتەر ءالى دە ءتۇسىپ جاتىر. سوندىقتان ەكونوميكالىق قۇقىق بۇزۋشىلىقتاردى ودان ءارى قىلمىسسىزداندىرۋ باعىتىندا شارالار قابىلداۋ قاجەت.
كاسىپكەرلەرگە، اسىرەسە، شاعىن جانە ورتا بيزنەسكە تەڭ مۇمكىندىك بەرىپ، ءادىل باسەكەگە جول اشۋ قاجەت. كەي جاعدايدا وسى تالاپ ساقتالمايدى. وعان دالەل: ءقازىردىڭ وزىندە وندىرۋشىلەر، اسىرەسە ازىق-تۇلىك سالاسىنداعى كاسىپورىندار ءبىرقاتار قيىندىققا تاپ بولۋدا. ءتىپتى، ادەيى جاسالعان كەدەرگىلەر دە بار، - دەدى قاسىم-جومارت توقايەۆ.
مىسالى، پرەزيدەنتتىڭ اتاپ وتۋىنشە، يمپورتتىق تاۋارلاردىڭ قۇنى قولدان تومەندەتىلىپ وتىر. ال وتاندىق ونىمدەردىڭ ىشكى نارىققا شىعۋ جولى ادەيى شەكتەلىپ جاتادى.
- شىنىن ايتقاندا، بۇل - جەمقورلىق. سوندىقتان وسىنداي قيتۇرقى ارەكەتتەردى توقتاتۋ كەرەك. مۇنداي احۋال ەلىمىزدىڭ كومپانيالارى مەن تاۋارلارىنىڭ باسەكەگە قابىلەتىن ەداۋىر السىرەتىپ جىبەرەتىنى ءسوزسىز. وسىنداي ءىس-قيمىلدارعا قاتاڭ توسقاۋىل قويماساق، ەكونوميكامىزعا زيان بولاتىنى ايدان انىق. باسقاشا ايتساق، بيزنەستى قورعاۋ - ۇلتتىق ەكونوميكانىڭ دەربەستىگىن نىعايتۋ دەگەن ءسوز. ال بيزنەسكە قولدان زاڭسىز توسقاۋىل جاساۋ، بۇل - مەملەكەتكە قارسى جاسالعان قىلمىس دەپ ايتساق ارتىق بولماس. سوندىقتان كاسىپكەرلەردى قولداۋ تەتىكتەرىن جەتىلدىرۋ، ياعني نىعايتۋ قاجەت. بۇل جۇمىستى ساۋدا بىرلەستىكتەرى اياسىندا جۇرگىزۋگە دە بولادى، - دەدى مەملەكەت باسشىسى.
جۇگەرى، سويا، ماقتا: توقايەۆ اۋىل شارۋاشىلىعىنداعى تابىستى جوبالاردى اتادى
مەملەكەت باسشىسى قاسىم-جومارت توقايەۆ اۋىل شارۋاشىلىعى ونىمدەرىن تەرەڭ وڭدەۋ ءىسىن دامىتۋعا باسا ءمان بەرۋدى تاپسىردى.
پرەزيدەنت قازىردىڭ وزىندە بۇل باعىتتا تابىستى جوبالار بار ەكەنىن اتاپ ءوتتى.
- ماسەلەن، قىزىلوردا وبلىسىنىڭ شارۋالارى قاتاڭ كليماتقا قاراماستان جۇگەرى مەن سويا ءوسىرىپ، ونى وڭدەۋمەن اينالىسادى. ال تۇركىستان وبلىسىندا قىتاي كومپانياسى سۋدى ءتيىمدى پايدالاناتىن زاماناۋي ماقتا-توقىما كلاستەرىن قۇرىپ جاتىر. ۇكىمەت وسىنداي وزىق تاجىريبەلەردىڭ ەل اۋماعىندا كەڭ تاراۋىنا جاعداي جاساپ، ينۆەستورلارعا ۋاقىتىلى قولداۋ كورسەتۋى كەرەك، - دەدى مەملەكەت باسشىسى قازاقستان حالقىنا جولداۋىندا.
سونىمەن قاتار مۇنداي زاماناۋي تاسىلدەردى مال شارۋاشىلىعىندا دا جان-جاقتى پايدالانعان دۇرىس.
بۇگىندە سولتۇستىك قازاقستان وبلىسىنىڭ تاجىريبەسىن باسشىلىققا الا وتىرىپ، ەلىمىزدە 71 تاۋار-ءسۇت فەرماسى ىسكە قوسىلدى. بۇل فەرمالاردا جىل سايىن 462 مىڭ توننادان استام ءسۇت وندىرىلەدى.
- اقمولا وبلىسىندا شەتەلدىڭ وزىق تاجىريبەسىنە ساي ەت كلاستەرى قۇرىلىپ جاتىر. وسىنداي جوبالاردى قولداۋعا بولادى، قاجەتتى جاعداي دا، قاراجات تا ءبولۋ كەرەك، - دەدى قاسىم-جومارت توقايەۆ.
بۇعان دەيىن پرەزيدەنت شارۋالاردى ينۆەستيتسيالايتىن پارمەندى ءتاسىل ەنگىزۋدى تاپسىرعان ەدى.
ول بالقاش ا ە س قۇرىلىسىن كەلەر جىلى باستاۋدى ۇسىندى.
سونداي-اق ق. توقايەۆ قازاقستاننىڭ ترانزيتتىك الەۋەتىن سىنعا الدى.
